சிக்கன் சால்னா செய்வது எப்படி

ஹோட்டல் சுவையில் சிக்கன் சால்னா மிகவும் சுலபமாகவும், சுவையாகவும் எப்படி செய்வது என்பதை பின் வருமாறு காணலாம். வீட்டிலேயே எப்படி செய்வது

தேவையான பொருட்கள்

1. கோழிக்கறி – ½ கிலோ
2. பெரிய வெங்காயம் – 2
3. தக்காளி – 2
4. பிரியாணி இலை – 1
5. பட்டை – 2 துண்டு
6. கிராம்பு – 2
7. ஏலக்காய் – 2
8. சீரகம் – ¼ ஸ்பூன்
9. சோம்பு –  ¼ ஸ்பூன்
10. மிளகாய்த்தூள் – 1 ஸ்பூன்
11. மல்லித்தூள் – 2 ஸ்பூன்
12. மஞ்சள்தூள் – ¼ ஸ்பூன்
13. எலுமிச்சை சாறு – 2 ஸ்பூன்
14. உப்பு – தேவையான அளவு
15. எண்ணெய் – தேவையான அளவு
16. கறிவேப்பிலை – சிறிதளவு
17. கொத்தமல்லி – 1 கைப்பிடி

அரைக்க

1. இஞ்சி பூண்டு விழுது – 1 ஸ்பூன்
2. மிளகு – 2 ஸ்பூன்
3. சீரகம் – 1 ஸ்பூன்
4. மல்லி – 1/4 கப்
5. காய்ந்த மிளகாய் – 2
6. தேங்காய் துருவல் – ¼ கப்

செய்முறை

1. இஞ்சி பூண்டு விழுது, மிளகு, சீரகம், மல்லி, பச்சை மிளகாய், தேங்காய் துருவல் ஆகியவற்றை விழுதாக அரைத்துக் கொள்ளவும்.
2. சிக்கனை கழுவி சிறு துண்டுகளாக நறுக்கி, உப்பு, எலுமிச்சை சாறு சேர்த்து ஊற வைத்துக் கொள்ளவும்.
3. ஒரு பாத்திரத்தில் எண்ணெய் ஊற்றி காய்ந்ததும் பிரியாணி இலை, பட்டை, கிராம்பு, ஏலக்காய், சீரகம், சோம்பு சேர்த்து வாசனை வரும் வரை வறுத்துக் கொள்ளவும்.
4. அதனுடன் வெங்காயம் சேர்த்து பொன்னிறமாக வதக்கிக் கொள்ளவும்.
5. பின்பு அரைத்த விழுதை சேர்த்து பச்சை வாசனை போகும் வரை நன்கு வதக்கிக் கொள்ளவும்.
6. இதனுடன் தக்காளி, மஞ்சள்தூள், மிளகாய்த்தூள், மல்லித்தூள், கறிவேப்பிலை, தேவையான அளவு உப்பு நன்கு வதக்கவும்.
7. பின்னர் ஊற வைத்துள்ள சிக்கனை இதனுடன் சேர்த்து நன்றாக கிளறவும்.சேர்த்து நன்கு கலந்து கொள்ளவும்.
8. சிக்கனை சேர்த்த பின்னர் தேவையான அளவு தண்ணீர் சேர்த்து எண்ணெய் பிரிந்து தனியே வரும் வரை கொதிக்க விடவும். குழம்பு சிறிது தண்ணியாக இருக்க வேண்டும். கடைசியாக கொத்தமல்லி தழை தூவி இறக்கினால் சுவையான சிக்கன் சால்னா ரெடி.