செட்டிநாடு சிக்கன் கிரேவி

தேவையான பொருட்கள்

1. சிக்கன் –  ½ கிலோ
2. தக்காளி – 2
3. பெரிய வெங்காயம் – 2
4. பச்சை மிளகாய் – 3
5. இஞ்சி பூண்டு விழுது – 2 ஸ்பூன்
6. தேங்காய் துருவல் – ½  கப்
7. கசகசா – 1 ஸ்பூன்
8. சோம்பு – 1 ஸ்பூன்
9. எண்ணெய் – தேவையான அளவு
10. மிளகாய் தூள் – 1 ஸ்பூன்
11. மஞ்சள் தூள் – ½ ஸ்பூன்
12. மல்லி தூள் – 1 ஸ்பூன்
13. உப்பு – தேவையான அளவு
14. பட்டை – 1 பெரிய துண்டு
15. கிராம்பு – 3
16. சீரகம் – ¼ டீஸ்பூன்
17. மிளகு – 1 ஸ்பூன்
18. கொத்தமல்லித் தழை ஒரு கைப்பிடி

செய்முறை :

1. முதலில் சிக்கனைச் சுத்தம் செய்து சிறு சிறு துண்டுகளாக வெட்டி எடுத்துக் கொள்ளவும்.
2. வெங்காயம், தக்காளி, பச்சை மிளகாய் மூன்றையும் வெட்டி எடுத்துக் கொள்ளவும்.
3. சிக்கன் கிரேவி செய்ய ஒரு மசாலா தயார் செய்ய வேண்டும். அதற்க்கு ஒரு மிக்ஸி ஜாரில் ½ கப் தேங்காய் துருவல், சோம்பு, சீரகம்,மிளகு, கசகசா, முந்திரி சேர்த்து நன்கு மைய அரைத்துக் கொள்ளவும்.
4. ஒரு பாத்திரத்தில் 2 டேபிள் ஸ்பூன் அளவிற்கு எண்ணெய் சேர்த்துக் கொள்ளவும்.
5. எண்ணெய் காய்ந்ததும் பட்டை, கிராம்பு, சிறிதளவு சோம்பு போட்டு தாளிக்கவும்.
6. தாளித்ததும் நறுக்கி வைத்துள்ள வெங்காயத்தை சேர்க்கவும்.
7. வெங்காயம் பொன்னிறமாக வதங்கியதும் நறுக்கி வைத்துள்ள பச்சை மிளகாய் மற்றும் தக்காளி சேர்த்து வதக்கவும்.
8. தக்காளி நன்கு கரையும் அளவிற்கு வதங்கியவுடன் இஞ்சி பூண்டு விழுது சேர்த்துக் கொள்ளவும்.
9. இஞ்சி பூண்டு பச்சை வாசனை போகும் வரை நன்கு வதக்கவும்.
10. இஞ்சி பூண்டு வதங்கியவுடன் மஞ்சள் தூள், மிளகாய் தூள், மல்லி தூள் சேர்த்து மசாலாவின் பச்சை வாசனை போகும் வரை நன்கு வதக்கி கொள்ளவும்.
11. சுத்தம் செய்து வைத்துள்ள சிக்கனை சேர்த்து பிரட்டி விடவும்.
12. மசாலா சிக்கனோடு நன்றாக கலந்து வரும் வரை மிதமான தீயில் வைத்து கிளறி விடவும்.
13. இப்போது அரைத்து வைத்துள்ள தேங்காய் விழுதை சேர்த்து நன்கு கலந்து விடவும்.
14. பின்னர் தேவையான அளவு தண்ணீர் சேர்த்து 10 நிமிடம் மிதமான தீயில் வேக வைத்து இறக்கினால் சுவையான சிக்கன் கிரேவி தயார்.
15. இறுதியாக கொஞ்சம் பொடியாக நறுக்கிய கொத்தமல்லி தழை தூவி பரிமாறினால் சுவையாக இருக்கும்.