தக்காளி சிக்கன் கிரேவி

இட்லி , தோசை, ஆப்பம், சப்பாத்திக்கு தொட்டு சாப்பிடக்கூடிய ருசியான தக்காளி சிக்கன் கிரேவி சுலபமாக எப்படி செய்வது என்பதை பார்க்கலாம்.

தேவையான பொருட்கள்

1. சிக்கன் – ½ கிலோ
2. வெங்காயம் – 3
3. தக்காளி – 4
4. மிளகாய்த் தூள் – 1 ஸ்பூன்
5. மிளகு தூள் – ½ ஸ்பூன்
6. சீரகம் – ½ ஸ்பூன்
7. பூண்டு – 10 பல்
8. உப்பு – தேவையான அளவு
9. எண்ணெய் – தேவையான அளவு

செய்முறை

1. சிக்கனை நன்றாக சுத்தம் செய்து வைத்துக் கொள்ளவும்.
2. சீரகம், மிளகு, மிளகாய்த்தூள், பூண்டு, தக்காளி ஆகியவற்றை மிக்ஸியில் போட்டு நைசாக பேஸ்ட் போல அரைத்து வைத்துக் கொள்ளவும்.
3. ஒரு வாணலியில் எண்ணெய் ஊற்றிக் கொள்ளவும்.
4. எண்ணெய் சூடானதும் வெங்காயம் சேர்த்து பொன்னிறமாக வதக்கவும்.
5. வெங்காயம் வதங்கியவுடன் சுத்தம் செய்து வைத்துள்ள சிக்கனை போட்டு 2 நிமிடத்திற்கு வதக்கிக் கொள்ளவும்.
6. சிக்கன் ஓரளவிற்கு வதங்கிய பின் அரைத்து வைத்துள்ள தக்காளி விழுதை சேர்த்து பச்சை வாசனை போகும் வரை வதக்கிக் கொள்ளவும்.
7. தேவையான அளவு உப்பு மற்றும் தண்ணீர் சேர்த்து அடுப்பை மிதமான தீயில் வைத்து வேக விடவும்.
8. சிக்கன் வெந்து கிரேவி பதத்திற்கு வந்ததும் சிறிதளவு கொத்தமல்லி தழை தூவி பரிமாறினால் சுவையான தக்காளி சிக்கன் கிரேவி தாயார்.