வெறும் வயிற்றில் சாப்பிடக்கூடிய உணவுகள் 

உடல் ஆரோக்கியத்தில் காலை உணவு மிக முக்கியப் பங்கு வகிக்கிறது. ஒரு நாளுக்குத் தேவையான அனைத்து சத்துக்களும் காலை உணவின் மூலமே நமக்கு கிடைக்கிறது. அன்றைய நாள் முழுவதும் நமக்கு ஆற்றலை தரக்கூடியது காலையில் நாம் எடுத்துக் கொள்ளும் உணவு தான். காலை உணவை தவிர்ப்பது மிகவும் தவறானதாகும்.

காலையில் நாம் சாப்பிடக்கூடிய உணவு தான் அந்த நாள் முழுவதும் நமக்கு சக்தியை அளிக்கிறது. இரவு உணவு சாப்பிட்ட பிறகு நீண்ட நேரம் கழித்து தான் நாம் காலை உணவை சாப்பிடுகிறோம். கிட்டத்தட்ட பத்து மணி நேரத் திற்குப் பிறகு தான் காலை உணவை சாப்பிடுகிறோம். எனவே காலை உணவை கண்டிப்பாக நம் தவிர்க்க கூடாது.

காலையில் நாம் சாப்பிடும் உணவுகளைத் தேர்வு செய்வதில் அதிக கவனம் எடுத்துக் கொள்ள வேண்டும். அமிலச் சுரப்பை அதிகரிக்கும் உணவுகளை காலையில் அறவே தவிர்த்து விட வேண்டும். காலையில் நம் உடலுக்கு சக்தி அளிக்க கூடிய சிறந்த உணவுகள் என்ன என்பதை பார்க்கலாம்.

காலையில் சாப்பிட சிறந்த உணவுகள்

முட்டை

காலையில் வெறும் வயிற்றில் சாப்பிட சிறந்த உணவுகளில் முட்டை சிறந்தது. இதில் புரதச் சத்து அதிக அளவில் நிறைந்துள்ளன. மெட்டபாலிசம் அதிகரித்து  ஆற்றலைத் தரும் உணவுகளில் முட்டையும் ஒன்று.

வெந்நீர்

காலையில் வெறும் வயிற்றில் இரண்டு டம்ளர் வெதுவெதுப்பான நீர் அருந்துவதன் மூலம் உடல் எடை குறையும். கழிவுகள் வெளியேறும். நோய் எதிர்ப்பு சக்தி அதிகரிக்கும். சருமம் இளமையாகும். புத்துணர்வு கிடைக்கும். செரிமானம் சீராகும். மலச்சிக்கல் சீராகும்.

பப்பாளி

காலையில் பப்பாளி பழத்தை சாப்பிடுவது உடலில் தேங்கி இருக்கும் கெட்ட கழிவுகளை வெளியேற்றி உடலை சீராக வைத்துக் கொள்ள உதவுகிறது.  இதில் நார்ச்சத்து அதிகம் நிறைந்துள்ளது. கெட்ட கொழுப்பை குறைத்து பல்வேறு இதய நோய்களைத் தடுக்கவும், வீக்கம் மற்றும் மலச்சிக்கலைக் குறைக்கவும் உதவி செய்கிறது.

தேங்காய் பால்

வெறும் வயிற்றில் தேங்காய் பால் குடிப்பது உடலுக்கு நல்லது. வெறும் வயிற்றில் தேங்காய் பால் அருந்தி வர வயிற்றில் உள்ள புண்கள் விரைவில் ஆறும்.

தர்பூசணி

தர்பூசணி காலையில் வெறும் வயிற்றில் சாப்பிட ஒரு சிறந்த பழம். ஏனெனில் இது எலக்ட்ரோலைட் சமநிலையை மேம்படுத்துகிறது மற்றும் உங்கள் உடலை ஹைட்ரேட் செய்கிறது. நீர்ச்சத்து அதிகம் நிறைந்துள்ள ஒரு பழமாகும்.

தேன்

வெதுவெதுப்பான நீரில் தேன் கலந்து குடிப்பது உடலுக்கு பலம் தரும். சளி மற்றும் இருமலுக்கு நல்ல மருந்தாகும். இரத்தத்தைச் சுத்தம் செய்து இரத்த ஓட்டத்தை சீராக்கும். உடல் எடையைக் குறைக்கும்.

வெந்தயம்

சர்க்கரை நோய் மற்றும் உயர் இரத்த அழுத்த நோய்களுக்கு வெந்தயத்தை, முந்தைய நாள் இரவே குளிர்ந்த நீரில் ஊறவைத்து மறுநாள், வெறும் வயிற்றில் ஊறிய வெந்தயத்தைத் தண்ணீருடன் சேர்த்து அருந்துவது மிகவும் நல்லது.

இஞ்சி

இஞ்சித் தோலை நீக்கிவிட்டு, சாறு எடுத்து அதோடு தேன் கலந்து வெறும் வயிற்றில் குடித்து வந்தால், உடலில் உள்ள தேவையில்லாத கொழுப்பு குறைவதுடன் நுரையீரல் தொடர்பான நோய்களும் சரியாகும்.

நீராகாரம்

காலையில் எழுந்த உடன் நீராகாரம் அருந்துவதால், உடலுக்குக் குளிர்ச்சியும், தேவையான கார்போஹைட்ரேட் சத்தும் கிடைக்கிறது. நீராகாரத்துடன் கடைந்த மோர் சேர்த்துக் குடிப்பது நல்லது.

நெல்லிக்காய்

தினமும் வெறும் வயிற்றில், நெல்லிக்காய் சாறு குடித்து வந்தால், உடலில் உள்ள தேவையற்ற கொழுப்புகள் கரைவதுடன் உடலின் நோய் எதிர்ப்பு சக்தியும் அதிகரிக்கும்.

முளைகட்டிய பயறு

முளைகட்டிய பயறில் வைட்டமின்கள், தாது உப்புக்கள், புரோட்டின், என்சைம்ஸ், ஆன்டிஆக்ஸிடன்ட் போன்ற சத்துக்கள் உள்ளன. நோய் எதிர்ப்பு சக்தியை அதிகரிக்கும். இதய நோயில் இருந்து நம்மைக் காக்கும். இதை தினமும் வெறும் வயிற்றில் சாப்பிடுவது உடலுக்கு மிகவும் நல்லது.

ஓட்ஸ்

காலை எழுந்ததும் வெறும் வயிற்றில் ஓட்ஸ் சாப்பிடலாம். இது வயிற்றில் எரிச்சல் அல்லது பாதிப்பு ஏற்படுவதைத் தடுக்கிறது. கரையக்கூடிய நார் சத்துகள் இருப்பதால் கொழுப்பு குறைவதுடன், வளர்சிதை மாற்றத்தை ஊக்குவிக்கிறது.

நல்லெண்ணெய்

காலையில் எழுந்ததும் வெறும் வயிற்றில் நல்லெண்ணெய்யை ஒரு ஸ்பூன் வாயில் ஊற்றி சிறிது நேரம் கொப்பளித்து வந்தால் பல உடல் உபாதைகளுக்கு தீர்வு கிடைக்கும். ஆயில் புல்லிங் என அழைக்கப்படும் இந்த பயிற்சி தற்போது மிகப் பிரபலமாக உள்ளது.