இளமையைத் தக்க வைக்கும் 6 பழங்கள்
நம் உடலை இளமையாகவும், ஆரோக்கியமாகவும் வைத்துக் கொள்ள பழங்கள் சாப்பிடுவது மிக அவசியமான ஒன்றாகும். பழங்கள் பல வகையான ஊட்டச்சத்துக்களை தன்னுள் கொண்டுள்ளது. பழங்களை நாம் உட்கொள்வதால் அகம், புறம் என இரண்டும் பொலிவுடனும், ஆரோக்கியத்துடனம் இருக்கும்.
பழங்கள் நமது சரும அழகினை மேம்படுத்த பெரிதும் பயன்படுகிறது. ஒவ்வொரு பழங்களிலும் ஒவ்வொரு விதமான சத்துக்கள் நிறைந்துள்ளன. அப்படிப்பட்ட பழங்களில் சில முக்கியத்துவம் வாய்ந்த நம்மை இளமையாக வைத்துக் கொள்ள கூடிய 6 பழங்களை பற்றி பார்க்கலாம்.
ஆப்பிள்
ஆப்பிள்ஆப்பிளில் அதிக நார்ச்சத்து உள்ளது. இதில் உள்ள ஒரு வகையான நார்ச்சத்து, தலைமுடியின் பி.எச் அளவைப் பராமரிக்க உதவுகிறது. இதைத் தலையில் தடவி வந்தால் பொடுகு உள்ளிட்ட பிரச்சனைகளைத் தவிர்க்கலாம். இதில் உள்ள மாலிக் அமிலம் சருமம் இளமையாக இருக்க உதவுகிறது. இதில் உள்ள மாலிக் அமிலம் இன்றைக்குப் பல அழகு க்ரீம், சிகிச்சைகளில் பயன்படுத்தப்படுகிறது.
அவகேடோ
அவகேடோஅவகேடோ அல்லது பட்டர் ஃபுரூட்டில் சருமம் மற்றும் அழகு வைட்டமின் என்று அழைக்கப்படும் பயோட்டின் உள்ளது. இது சருமம் புத்துயிர் பெற உதவுகிறது. இதில் சருமத்தின் பாதுகாவலன் என்று அழைக்கப்படும் வைட்டமின் – இ நிறைவாக உள்ளது. இந்தப் பழத்தில் உள்ள கொழுப்பு அமிலம் சருமத்துக்குத் தேவையான இயற்கை வழுவழுப்பு எண்ணெய்யை வழங்குகிறது. இதனால், சருமம் இளமையுடனும் பொலிவுடனும் இருக்கும்.
வாழைப்பழம்
வாழைப்பழம்வாழைப்பழத்தில் பொட்டாசியம் நிறைவாக உள்ளது. இது சருமத்தின் ஈரப்பதத்தைத் தக்க வைப்பதுடன் சரும வறட்சி ஏற்படுவதைத் தடுக்கிறது. மேலும் இதில், வைட்டமின் ஏ, பி, இ நிறைவாக உள்ளது. இது சருமத்துக்கு எலாஸ்டிசிட்டியை தருகிறது. வயதுக்கு மீறிய சுருக்கம், புள்ளிகள் போன்றவற்றைத் தவிர்க்கிறது. மேலும், சருமத்துக்குப் புதுப்பொலிவை தருகிறது.
கிவி
கிவிகிவி பழத்தில் அதிக அளவில் வைட்டமின் சி உள்ளது. 100 கிராம் ஆரஞ்சு பழத்தில் இருப்பதைக் காட்டிலும் வைட்டமின் சி கிவி பழத்தில் அதிக அளவில் உள்ளது. இது சருமத்தை இளமையுடனும் புத்துணர்வுடனும் வைத்திருக்க உதவுகிறது.
பப்பாளி
பப்பாளிபப்பாளி பழத்தை இன்றைக்கு அனைத்து சரும பராமரிப்பு க்ரீம் தயாரிப்பு நிறுவனங்களும் பயன்படுத்துகின்றன. பப்பாளியில் வைட்டமின் ஏ பீட்டா கரோட்டின், பாப்பின் என்ற என்சைம் உள்ளன. செரிமானத்தைச் சீராக்குகிறது. கண் பார்வை குறைபாட்டை தடுக்கிறது. நொதிக்கப்பட முடியாத புரதத்தைக் கூட நொதிக்கச் செய்ய உதவுகிறது. இது ஒரு சிறந்த ஆன்டி ஆக்ஸிடன்டும் கூட, சருமத்தில் ஏற்படக் கூடிய பாதிப்புகளை சரி செய்து, புத்துயிர் ஊட்டுகிறது.
மாதுளை
மாதுளைமாதுளையை சூப்பர் ஃபுட் என்று சொல்வார்கள். அதில், அந்த அளவுக்கு ஊட்டச் சத்துக்கள், தாது உப்புக்கள் நிறைந்துள்ளன. சருமத்தில் ஏற்படக் கூடிய ஃப்ரீராடிக்கல் பாதிப்பில் இருந்து காத்து இளமையை தக்க வைக்கிறது. புறஊதாக் கதிர்வீச்சு பாதிப்பில் இருந்து சருமத்தைக் காக்கிறது. சருமத்தின் அடிப்பகுதியான டெர்மிஸ், எபிடெர்மிஸ் திசுக்கள் வளர்ச்சிக்கு இது உதவுகிறது.
