பெண் உடல் மச்ச பலன்கள்
மச்சம் ஒருவரின் அதிர்ஷ்டத்தின் அடையாளம் என்று கூறுவார்கள். பெண்களுக்கு எந்த இடத்தில் மச்சம் இருந்தால் எந்த மாதிரியான பலன்கள் ஏற்படும் என்று மச்ச சாஸ்திரம் என்னும் நூல் கூறுகிறது. அந்த வகையில் பெண்களுக்கு உடல் பகுதியில் எந்த பகுதியில் மச்சம் இருந்தால் எந்த மாதிரியான பலன்கள் ஏற்படும் என்பதை பின்வரும் பகுதியில் விரிவாக காண்போம்.
பெண் கழுத்து மற்றும் தோள் மச்ச பலன்கள்
பெண்ணின் வலது கழுத்தில் மச்சம் இருந்தால் அவர்களுக்கு பிள்ளைகளால் யோகம் உண்டாகும். இவர்களால் பிறந்த வீட்டுக்கும், புகுந்த வீட்டிற்கும் அதிர்ஷ்டம் உண்டாகும்.
பெண்ணின் இடது கழுத்தில் மச்சம் இருந்தால் அவர்களுக்கு அதிர்ஷ்டங்கள் கிடைக்கும்.
பெண்ணின் கழுத்தில் எங்கு மச்சம் இருந்தாலும் அவர்களுக்கு வாழ்க்கையில் 7 முறை அதிர்ஷடம் உண்டாகும்.
பெண்ணின் வலது தோளில் மச்சம் இருந்தால் அவர்கள் தைரியமாக இருப்பார்கள்.
பெண்ணின் இடது தோளில் மச்சம் இருந்தால் அவர்கள் குடும்பத்தை சிறப்பாக நிர்வாகம் செய்வார்கள்.
பெண் மார்பு மச்ச பலன்கள்
பெண்ணின் இடது மார்பகத்தில் மச்சம் இருந்தால் அவர்கள் ஓரளவு செல்வாக்கு நிறைந்தவர்களாய் இருப்பார்கள். மேலும் வாழ்க்கையில் படிப்படியாக முன்னேற்றம் இருக்கும்.
பெண்ணின் வலது மார்பகத்தில் மச்சம் இருந்தால் அவர்கள் நற்குணங்கள் நிறைந்தவர்களாய் இருப்பார்கள். மேலும் உணர்ச்சிகள் அதிகம் இருக்கும். வாழ்க்கை போராட்டம் நிறைந்ததாக இருக்கும்.
பெண்ணின் மார்பகங்களுக்கு மேல் மச்சம் இருந்தால் கெட்ட பெயர் ஏற்படும்.
பெண்ணின் மார்பகங்களுக்கு மேலே இடது பக்கம் மச்சம் இருந்தால் அவர்கள் மகிழ்ச்சியாகவும், நிம்மதியாகவும் வாழ்வார்கள்.
பெண்ணின் மார்பகங்களுக்கு மேலே வலது பக்கம் மச்சம் இருந்தால் அவர்கள் தாங்கள் கொண்ட இலட்சியத்தை எப்பெற்பட்டவது அடைந்து விடுவார்கள்.
பெண்ணின் நெஞ்சின் இடது பகுதியில் மச்சம் இருந்தால் அவர்களுக்கு சரியான காலத்தில் திருமணம் நடக்கும். மேலும் நல்ல கணவன் அமைவான்.
பெண் வயிறு மச்சம் பலன்கள்
பெண்ணின் தொப்புள் மீது மச்சம் இருந்தால் அவர்கள் மகிழ்ச்சியுடன் வாழ்வார்கள். மேலும் வசதியான வாழ்க்கை அமையும்.
பெண்ணின் தொப்புளுக்கு மேல் மச்சம் இருந்தால் அவர்களுக்கு யோகமான வாழ்க்கை அமையும்.
பெண்ணின் தொப்புளுக்கு கீழ் மச்சம் இருந்தால் அவர்களுக்கு மன அமைதியின்மை மற்றும் பொருள் நஷ்டம் ஏற்படும். மேலும் வறுமையும், செல்வமும் மாறி மாறி வரும்.
பெண்ணின் வயிற்றில் மச்சம் இருந்தால் அவர்களுக்கு நல்ல குணம், மற்றும் நிறைவான வாழ்க்கை அமையும்.
பெண்ணின் வயிற்றின் இடது பக்கம் மச்சம் இருந்தால் அவர்கள் பொய் பேச மாட்டார்கள்.
பெண்ணின் வயிற்றின் வலது பக்கம் மச்சம் இருந்தால் அவர்கள் எந்த காரியத்தையும் சரியாகச் செய்ய மாட்டார்கள்.
பெண்ணின் வயிற்றின் மேல் பகுதியில் மச்சம் இருந்தால் அவர்கள் பலராலும் பெரிதும் பாராட்டப்படுவார்கள். மேலும் அமைதியும், இன்பமும் கலந்த வாழ்க்கை அமையும்.
பெண்ணின் அடிவயிற்றில் மச்சம் இருந்தால் அவர்களுக்கு ராஜயோகம், அம்சம், உயர் பதவிகள் கிடைக்கும்.
பெண் இடுப்பு மற்றும் முதுகு மச்ச பலன்கள்
பெண்ணின் இடுப்பு பகுதியில் மச்சம் இருந்தால் அவர்கள் புகுந்த வீட்டில் வசதிகள் பெருகும்.
பெண்கள் இடுப்பின் இடது பக்கம் மச்சம் இருந்தால் அவர்கள் பணத்தின் மீது ஆசை உடையவர்களாய் இருப்பார்கள்.
பெண்கள் இடுப்பின் வலது பக்கம் மச்சம் இருந்தால் அவர்களுக்கு தெய்வ பக்தி அதிகமாக காணப்படும்.
பெண்ணின் முதுகு பகுதியில் மச்சம் இருந்தால் அவர்களுக்கு செழிப்பான வாழ்க்கை அமையும்.
பெண்ணின் முதுகில் கண்களுக்குத் தெரியாமல் எங்கு மச்சம் இருந்தாலும் அவர்கள் துணிச்சலுடன் இருப்பார்கள். வாழ்க்கை வசதியானதாக அமையும்.
ஆண் பெண் மச்ச பலன்கள் பற்றி விரிவாக அறிந்து கொள்ள இங்கே கிளிக் செய்யவும்.
