சர்ப்ப தோஷங்கள் என்றால் என்ன? சர்ப்ப தோஷங்களின் வகைகள்

சர்ப்ப தோஷங்கள்

நம்முடைய ஜாதகத்தில் ஏதாவது இரு இடங்களில் ராகுவும், கேதுவும் இடம் பெற்றிருப்பார்கள். அனைத்து கிரகங்களும் ராகு – கேதுக்களுக்கு இடையில் அமைந்து, ஜாதகத்தில் பாதி கட்டங்கள் காலியாக இருந்தால், அது பூரண கால சர்ப்ப தோஷமாகும். ஏதேனும் ஒரு கிரகம் வெளியே அமைந்தாலும் அது கால சர்ப்ப தோஷம் ஆகாது. லக்னம், ஏழாம் வீடு தவிர மற்ற வீடுகளில் அமரும் ராகு – கேதுக்களைப் பொறுத்து சர்ப்ப தோஷம் பல வகைப்படும். அவற்றை பற்றி விரிவாக பார்ப்போம்.

சர்ப்ப தோஷத்தின் வகைகள்

அனந்த கால சர்ப்ப தோஷம்

ராகு முதல் வீட்டிலும், கேது 7ம் வீட்டிலும் இருக்க, மற்ற கிரகங்கள் இவர்களுக்கிடையே அமைந்திருப்பது அனந்த கால சர்ப்ப தோஷம் ஆகும். இதை விபரீத கால சர்ப்ப தோஷம் என்றும் ஆனந்த கால சர்ப்ப தோஷம் என்றும் கூறுவார்கள். இந்த ஜாதக அமைப்பை பெற்றவர்கள் பல்வேறு இடையூறு, கஷ்டங்களை வாழ்க்கையில் அனுபவித்து, தங்கள் சொந்த முயற்சியால் வாழ்க்கையில் முன்னுக்கு வருவர். இவர்களுக்கு திருமணக் காலத்தில் சில இடையூறுகள் ஏற்படலாம்.

சங்கசூட சர்ப்ப தோஷம்

ராகு 9-ஆம் வீட்டிலும், கேது 3-ஆம் வீட்டிலும் இருக்கும் ஜாதக அமைப்பு சங்கசூட சர்ப்ப தோஷம் என அழைக்கபடுகிறது . இந்த ஜாதக அமைப்பை கொண்டவர்கள் நிறைய பொய்களை கூறுவர். இவர்கள் சற்று முன்கோபிகள் இவர்களின் வாழ்க்கை ஏற்றத் தாழ்வுகள் நிறைந்ததாக இருக்கும்.

கடக சர்ப்ப தோஷம்

ராகு 10 ஆம் வீட்டிலும், கேது ஆம் வீட்டிலும் இருந்தால் அது கடக சர்ப்ப தோஷம் ஆகும். இவர்கள் வாழ்வில் நிறைய சட்ட சிக்கல்கள் வரும். அரசாங்கத் தண்டனை பெறுவார்கள். 10-ல் இருக்கும் ராகு இருட்டு சம்பந்தமான தொழிலைக் கொடுப்பர். ராகு சட்டத்திற்கு புறம்பான வேலைகளைச் செய்யத் தூண்டுவார்.

குளிகை சர்ப்ப தோஷம்

ராகு 2-ஆம் வீட்டிலும், கேது 8-ம் வீட்டிலும் இருந்தால் அது குளிகை சர்ப்ப தோஷம் ஆகும். இந்த ஜாதக அமைப்பை பெற்றவர்கள் உடல் நலம் அடிக்கடி பாதிக்கப்படும். இழப்புகள், விபத்துகள் நேரும். பொருளாதாரப் பாதுகாப்பற்ற நிலை ஏற்படும். ராகு பலம் பெற்றிருந்தால் வெளிநாட்டுப் பயணம் கிடைக்கும்.

வாசுகி சர்ப்ப தோஷம்

ராகு 3-ம் வீட்டிலும், கேது 9-ம் வீட்டிலும் இருந்தால் அது வாசுகி சர்ப்ப தோஷம் ஆகும். இவர்களுக்கு தொழிலில் பிரச்சனைகள் ஏற்படும். இவர்கள் இளைய சகோதரர்களால் அதிகம் பாதிக்கபடுவார்கள்.

சங்கல்ப சர்ப்ப தோஷம்

ராகு 4-ம் வீட்டிலும், கேது 10-ம் வீட்டிலும் இருந்தால் அது சங்கல்ப சர்ப்ப தோஷம் எனப்படுகிறது. இந்த ஜாதக அமைப்பை பெற்றவரின் வேலை, தொழில் கெடும். தாயாரின் உடல் நலத்தில் கவனமாக இருக்க வேண்டும்.

பத்ம சர்ப்ப தோஷம்

ராகு 5-ம் வீட்டிலும், கேது 11-ம் வீட்டிலும் இருந்தால் அது பத்ம சர்ப்ப தோஷம் ஆகும். இந்த ஜாதக அமைப்பை பெற்றவர்கள் வீட்டில் குழந்தைகள் பிறப்பதில் பிரச்சனைகள் ஏற்படும். மேலும் இவற்றுடன் சந்திரன் கெட்டால் ஆவித் தொல்லை ஏற்படும். மேலும் நண்பர்களால் ஏமாற்றமும், நோய் உண்டானால் குணமாக தாமதம் ஏற்படும்.

மகா பத்ம சர்ப்ப தோஷம்

ராகு 6-ம் வீட்டிலும், கேது 12-ம் வீட்டிலும் இருந்தால் அது மகா பத்ம சர்ப்ப தோஷம் ஆகும். இவர்களுக்கு நோயினால் தொல்லைகள் உண்டாகும். இவர்களின் எதிர்காலம் இடையூறுகள் நிறைந்ததாக இருக்கும். 6-ம் அதிபதியை பொறுத்து தான் இவர்களின் நோய் குணமாகுதலும், எதிரிகளை வெற்றி கொள்ளுவதும் இருக்கும்.

தக்ஷக சர்ப்ப தோஷம்

கேது லக்னத்திலும், ராகு 7ம் வீட்டிலும் இருந்தால் அது தக்ஷக சர்ப்ப தோஷம் கொண்ட அமைப்பாகும். இவர்களுக்கு முன்யோசனையும் யூகம் செய்யும் ஆற்றலும் இயல்பாகவே அமைந்திருக்கும். இவர்கள் தான் பாடுபட்டு சேர்த்த செல்வத்தை மது, மாதில் இழப்பார். திருமண வாழ்வில் தொல்லைகள் ஏற்படும்.

கார்கோடக சர்ப்ப தோஷம்

ராகு 8ம் வீட்டிலும், கேது 2ம் வீட்டிலும் இருந்தால் அது கார்கோடக சர்ப்ப தோஷம் கொண்ட ஜாதக அமைப்பு ஆகும். இவர்களுக்கு தந்தையின் சொத்துக்கள் எளிதில் கிடைக்காது. இவர்களுக்கு எதிரிகள் அதிகமாக இருப்பார்கள்.

விஷ்தார சர்ப்ப தோஷம்

ராகு 11ம் வீட்டிலும், கேது 5ம் வீட்டிலும் இருந்தால் அது விஷ்தார சர்ப்ப தோஷம் ஆகும். இந்த ஜாதக அமைப்பு கொண்டவர்களுக்கு குழந்தைகள் தொடர்பான பிரச்சனைகள் ஏற்படும். இவர்கள் அடிக்கடி பயணங்கள் செய்வர். இவர்களின் வாழ்க்கையின் பிற்பகுதி சிறப்பாக இருக்கும்.

சேஷநாக சர்ப்ப தோஷம்

ராகு 12ம் வீட்டிலும், கேது 6ம் வீட்டிலும் இருந்தால் அது சேஷநாக சர்ப்ப தோஷம் ஆகும். இந்த ஜாதக அமைப்பை கொண்டவர்கள் உடல் நலத்தில் பிரச்சனைகள் அதிகம் ஏற்படும். வழக்குகளில் சிக்கல் உண்டாகும். எதிரிகளின் தொல்லை அதிகரிக்கும்.