அஷ்டமி, நவமி திதிகள் ஏன் மக்களால் புறகணிக்கப்டுகின்றன

அஷ்டமி, நவமி திதிகள்

அமாவாசை, மற்றும் பௌர்ணமி நாட்களுக்கு பிறகு வரும் 8வது நாள் அஷ்டமி, 9வது நாள் நவமி ஆகும். அஷ்டமி, நவமி வரும் திதிகளில் நல்ல காரியங்கள் செய்ய கூடாது, அல்லது தொடங்ககூடாது என்று கூறுவார்கள். அது ஏன் என்று பலருக்கும் தெரிவதில்லை. அஷ்டமி, நவமி திதிகள் ஆகாத நாட்கள் என சொல்லி வைத்துள்ளர்கள் முன்னோர்கள். அது எதற்கு என்று இந்த பதிவில் விஞ்ஞான ரீதியாகவும், புராண ரீதியாகவும் பார்க்கலாம்.

அஷ்டமி நவமி திதிகள்

புராண ரீதியாக அஷ்டமி, நவமி

சிவபெருமான் திதிகளை படைத்து அவற்றிற்கு அவற்றின் வேலைகள் மற்றும் குணங்களை பற்றி விளக்கி கொண்டிருந்தார். அந்த நேரத்தில் அஷ்டமி திதியும், நவமி திதியும் சிவபெருமான் சொல்வதை கவனிக்காமல் இருந்தனவாம். இதனால் கோபம் கொண்ட சிவபெருமான் அவற்றிற்கு சாபம் கொடுத்தாராம். அதாவது மக்கள் உங்கள் திதி வரும் நாளில் எந்த நல்ல காரியமும் செய்ய மாட்டார்கள், எந்த விஷயத்தையும் தொடங்கமாடர்கள், உங்களை ஒதுக்கி வைப்பார்கள் என சாபம் கொடுத்தாராம்.

இதனால் கலக்கமுற்ற அஷ்டமி, நவமி திதிகள் சிவபெருமானிடம் தங்களை மன்னிக்குமாறு வேண்டின. ஆனால் சிவபெருமானோ கொடுத்த சாபம் கொடுத்ததுதான், வேண்டுமானால் மகாவிஷ்ணுவை போய் பாருங்கள் அவர் உங்கள் சாபம் தீர எதாவது செய்வார் என்றாராம். உடனே அவைகள் மஹாவிஷ்ணுவிடம் சென்று தாங்கள் சபிக்கப்பட்டதை சொல்லி அவரிடம் வருத்தப்பட்டன.

உடனே மகாவிஷ்ணு அவைகளிடம் “வருத்தப்படாதீர்கள். நான் உங்கள் திதிகளில் அவதாரம் செய்கின்றேன்” எனக் கூறி அவற்றை சமதானப்படுதினார். அவர் சொன்னபடியே நவமி திதியில் ராமர் அவதாரம் எடுத்தார். அதே போல அஷ்டமி திதியில் கிருஷ்ணர் அவதாரம் எடுத்தார். இதைதான் நாம் ஸ்ரீராமநவமி என்றும், கோகுலாஷ்டமி என்றும் கொண்டாடுகிறோம். இந்த அஷ்டமி, நவமி திதிகளை மட்டும்தான் மக்கள் கொண்டாடுகின்றனர்.

அஷ்டமி, நவமி திதிகளை மக்கள் புறக்கணிக்க காரணம்

கடவுள் அவதாரங்களான ராமர், கிருஷ்ணர் அவதாரங்கள் பூவுலக வாழ்வில் கஷ்டங்கள் பல பெற அவர்கள் அவதரித்த அஷ்டமி, நவமி திதிகள் தான் காரணம் என மக்கள் நம்ப தொடங்கினர். இதற்கு காரணம் கடவுள் அவதாரங்களையே இந்த திதிகள் பாடாய்படுத்திவிட்டது, நாமெல்லம் எம்மாத்திரம் என நினைக்க தொடங்கியதே. இதனால் தான் இன்று வரை அஷ்டமி, நவமி திதிகளில் எந்த நல்ல காரியங்களும் செய்வதும் இல்லை, தொடங்குவதும் இல்லை.

விஞ்ஞான ரீதியாக அஷ்டமி, நவமி

நம் முன்னோர்கள் எதை சொன்னாலும் அதில் ஒரு காரணம் இல்லாமல் இல்லை. அஷ்டமி நவமி திதி வரும் நாட்களை ஏன் தவிர்க்க சொன்னார்கள் என்பதை விஞ்ஞான ரீதியாக விரிவாக பார்க்கலாம்.

பூமி தன்னைத்தானே சுற்றி வருவதற்கு ஒரு நாள் ஆகிறது. அதே பூமியானது சூரியனை சுற்றி வருவதற்கு ஒரு வருடம் ஆகிறது. நிலவு தன்னைத்தானே சுற்றிக் கொண்டு பூமியை சுற்றி வருவதற்கு ஒரு மாதம் (30 நாட்கள்) ஆகும். அப்படிபட்ட நிலவு தன்னைத்தானே சுற்றிக்கொண்டு பூமியை சுற்றி வரும்போது ஒரு பாதி சுற்றை (15 நாட்கள்) அமாவாசை என்றும், அடுத்த பாதி சுற்றை (15 நாட்கள்) பௌர்ணமி என்றும் கூறுகிறோம்.
அமாவாசை, மற்றும் பௌர்ணமிக்கு இடைப்பட்ட நாளான 8வது நாள் அஷ்டமி என்றும், 9வது நாள் நவமி என்றும் சொல்கிறோம். இதன்படி ஒரு மாதத்திற்கு இரண்டு அஷ்டமிகளும், இரண்டு நவமிகளும் வரும். இதை தேய்பிறை அஷ்டமி, நவமி என்றும் வளர்பிறை அஷ்டமி, நவமி என்றும் சொல்கிறோம்.

அஷ்டமி தினம் வரும் நாளன்று (8வது நாள்) நாம் வாழும் பூமியானது சூரியனுக்கும், சந்திரனுக்கும் நடுவே வருகிறது. அந்நேரத்தில் சூரியனின் சக்தியும் , சந்திரனின் சக்தியும் பூமியை தங்கள் பக்கம் இழுப்பதால் பூமியில் ஒருவித அதிர்வலைகள் ஏற்படுகிறது. அந்த அதிர்வலைகள் பூமியில் உள்ள அனைத்து உயிர்களிடமும் எதிரொலிக்கும். அந்த நேரத்தில் எந்த உயிராலும் ஒரு தீர்க்கமான முடிவை எடுக்க முடியாது. அந்நேரத்தில் நாம் எடுக்கும் முடிவுகள் நிலையில்லாமல் இருக்கும்.

நவமி தினம் (9வது நாள்) முடிந்த பிறகே சந்திரன் பூமியை விட்டு விலகி தன் இயக்கத்தை தொடரும், பூமியும் தனது இயல்பு நிலைக்கு படிப்படியாக திரும்பும். அப்போது தான் மனிதர்கள் உட்பட அனைத்து உயிர்களின் மனமும் ஒரு நிலைக்கு வரும். அதனால் தான் அஷ்டமி தினம் அன்றும், நவமி தினம் அன்றும் எந்த முக்கியமான முடிவையும் எடுக்கக்கூடாது என்று நம் முன்னோர்கள் சொல்லி வைத்தார்கள். இதனால் தான அஷ்டமி மற்றும் நவமி திதிகள் சுபகாரியங்களுக்கு ஏற்றது இல்லை என முன்னோர்கள் சொன்னார்கள்.

திதி பலன்களை பற்றி விரிவாக தெரிந்து கொள்ள இங்கே கிளிக் செய்யவும்.

Related Articles

LEAVE A REPLY

Please enter your comment!
Please enter your name here

Latest Articles

30 வயதை கடந்த பெண்களா நீங்கள் ?  அப்போ இந்த பதிவை கண்டிப்பா பாருங்க.

பெண்களின் வாழ்க்கை முறை   பெண்கள் தங்களது அன்றாட வாழ்க்கையில் பல வேலைகளை செய்கின்றனர். குழந்தைகளை கவனித்துக்கொள்வது, வீட்டு வேலைகளை செய்வது, சமைப்பது, வீட்டை நிர்வகிப்பது என பல்வேறு பொறுப்புகளை சுமந்து செல்கின்றனர். அதிலும் வேலைக்கு...
நவகிரக தோஷ பரிகாரகங்கள்

செவ்வாய் தோஷம் என்றால் என்ன? செவ்வாய் தோஷ விதிவிலக்குகள் யாவை

செவ்வாய் தோஷம் திருமணத்திற்கு வரன் பார்த்து பொருத்தம் பார்க்கும்போது முக்கியமாக பார்க்கப்படும் ஒரு விஷயம் பிள்ளைக்கோ அல்லது பெண்ணுக்கோ ஜாதகத்தில் செவ்வாய் தோஷம் உள்ளதா என்பதுதான். இந்த செவ்வாய் தோஷம் கிட்டத்தட்ட பலருடைய வாழ்க்கையை...
கனவுகள் உண்மையா

கனவுகள் பலிக்குமா, எந்த நேரத்தில் கனவு கண்டால் பலிக்கும்

கனவுகள் பலிக்குமா நாம் உறக்கத்தில் காணும் ஒவ்வொரு கனவிற்கும் ஒவ்வொரு விதமான பலன்கள் உண்டு. சிலர் கனவுகள் என்பது நினைவுகளின் கற்பனை வடிவம் என்றும் இன்னும் சிலர் மனிதர்களின் ஆழ் மனதில் இருக்கும் நினைவுகளே...
பாம்பு புற்றுக்கு பால் ஊற்றுவது சரியா

பாம்பு புற்றுக்கு பால், முட்டை வைப்பது ஏன்?

பாம்பு புற்றுக்கு பால், முட்டை கோவில்கள், வயல்வெளிகள் ஆகியவற்றில் பாம்பு புற்று இருப்பதை பார்த்திருப்போம். பாம்பு புற்றுக்கு பால் மற்றும் முட்டை வைத்திருப்பதையும் பார்த்திருப்போம். நம் முன்னோர்கள் பாம்பிற்குப் பால் மற்றும் முட்டை வைப்பார்கள்....

கீழாநெல்லி மருத்துவ குணங்கள்

கீழாநெல்லி கீழாநெல்லி என்பது ஒரு மருத்துவ குணமுடைய மூலிகை செடியாகும். இந்த செடி முழுவதும் மருத்துவப் பயன்பாடு கொண்டதாகும். இது வெப்பமண்டல பகுதிகளில் வளரும் குற்றுச் செடி இனத்தை சேர்ந்தது. கீழாநெல்லி செடி சுமார்...
watermelon payasam

உடல் சூட்டை தணிக்கும் தர்பூசணி பாயாசம் செய்வது எப்படி

குளு குளு தர்பூசணி பாயாசம் தேவையான பொருட்கள் தர்பூசணி – 2 கப் ( பொடியாக நறுக்கியது ) நெய் – தேவையான அளவு முந்திரி, திராட்சை – தேவையான அளவு சர்க்கரை –...
அடை பிரதமன் செய்வது எப்படி

கேரளா ஸ்பெஷல் அடை பிரதமன் செய்முறை

அடை பிரதமன் தேவையான பொருட்கள் அரிசி  - 50 கிராம் வெல்லம் – 100 கிராம் தேங்காய் பால் – 200 கிராம் தேங்காய் துண்டுகள் - தேவையான அளவு முந்திரி - ...

Follow by Mail

Get all latest content delivered straight to your inbox.