ஜாதகத்தில் யோகங்கள்
யோகம் என்பது 2 அல்லது அதற்கு மேற்பட்ட கிரகங்கள் ஒரே இடத்தில் இணைவதால் உண்டாகும் யோகங்களை குறிப்பதாகும். அவ்வாறான சில கிரக இணைப்புகள் நல்ல பலன்களையும், சில தீய பலன்களையும் தரலாம். அந்த வகையில் பலவிதமான யோகங்கள் ஒருவரின் ஜாதகத்தில் இருக்கும். நாம் இந்த பகுதியில் ஒரு சில யோகங்களையும் அதனால் உண்டாகும் பலன்களையும் பார்ப்போம்,
மாதுரு மூலதன யோகம் :
2ம் வீட்டு அதிபதி, 4ம் வீட்டு அதிபதியுடன் சேர்ந்திருந்தால் மாதுரு மூலதன யோகம் உண்டாகிறது.
மாதுரு மூலதன யோகத்தின் பலன்கள் :
தாயாரின் ஆதரவு கிடைக்கும். தாயின் உதவியால் அதிக லாபம் கிட்டும்.
களத்திர மூலதன யோகம் :
2ம் வீட்டு அதிபதியை 7ம் வீட்டு அதிபதி பார்த்தால் களத்திர மூலதன யோகம் உண்டாகிறது.
களத்திர மூலதன யோகத்தின் பலன்கள் :
வாழ்க்கை துணை மூலம் அதிக லாபங்கள் கிடைக்கும்.
அங்கிஸ யோகம் :
குருபகவான் உச்சம் பெற்று சந்திரன் லக்னத்திற்கு 5, 7 மற்றும் 9ம் வீடுகளில் இருப்பதால் உண்டாவது அங்கிஸ யோகம் ஆகும்.
அங்கிஸ யோகத்தின் பலன்கள் :
நீண்ட ஆயுள் உடையவர்கள். எல்லா செல்வங்களையும் பெற்று வசதியுடன் வாழ்வார்கள்.
வசீகர யோகம் :
புதன், சுக்கிரன் மற்றும் சனி ஆகிய மூன்று கிரகங்களும் ஒன்றாக இருந்தால் வசீகர யோகம் உண்டாகிறது.
வசீகர யோகத்தின் பலன்கள் :
அழகான தோற்றம் உடையவர்கள். வசீகர முகத்தோற்றம் உடையவர்கள்.
சௌரிய யோகம் :
லக்னதிலோ அல்லது லக்னத்திற்கு 3ம் வீட்டில் சுப கிரகம் இருப்பது அல்லது தனாதிபதி வலுவாக இருந்தால் சௌரிய யோகம் உண்டாகிறது.
சௌரிய யோகத்தின் பலன்கள் :
இந்த யோகம் உடையவர்களுக்கு சகல வசதிகளுடன் பலரும் போற்றும் வாழ்க்கை உண்டாகிறது. கீர்த்தி மற்றும் செல்வாக்குடன் வாழ்வார்கள்.
உதாந்திரி யோகம் :
லக்னத்திற்கு 2ம், 5ம் மற்றும் 9ம் அதிபதிகள் லக்னத்தில் நின்றால் உதாந்திரி யோகம் உண்டாகிறது.
உதாந்திரி யோகத்தின் பலன்கள் :
சட்டம் மற்றும் விவாத துறையில் வல்லவராக விளங்குவார்கள். மகிழ்ச்சியான குடும்பம் அமையப் பெற்று வாழ்வார்கள்.
ஆன்மீக யோகம் :
குருவும், சனியும் எவ்விதத்திலாவது சம்பந்தம் பெறுவது அதாவது பார்வை / சேர்கை / பரிவர்த்தனை இவற்றில் ஏதாவது ஒன்றை பெற்றிருப்பது ஆன்மீக யோகம் ஆகும்.
ஆன்மீக யோகத்தின் பலன்கள் :
இவர்கள் தெய்வ நம்பிக்கை அதிகம் இருக்கும். ஆன்மீக வாழ்க்கையை வாழ்பவர்கள்.
இல்லற சந்நியாசி யோகம் :
சனியின் வீட்டில் சந்திரன் இருப்பது அல்லது சனி தன் இரு வீடுகளில் ஒரு வீட்டை பார்ப்பதால் இல்லற சந்நியாசி யோகம் உண்டாகிறது.
இல்லற சந்நியாசி யோகத்தின் பலன்கள் :
இவர்கள் எதிலும் பற்று இல்லாமல் வாழ்வார்கள். இல்லறத்தில் குறைந்த ஈடுபாடு இருக்கும். இதனால் இவர்கள் இல்லற சந்நியாசி ஆகின்றனர்.
பூமி லாப யோகம் :
4 ம் வீட்டிற்கு அதிபதி லக்னத்திலோ அல்லது லக்னாதிபதி 4 ம் வீட்டிலோ இருந்தால் அல்லது 4 ம் வீட்டிற்கு உரியவன் பலம் பெற்று இருந்தால் பூமி லாப யோகம் உண்டாகிறது.
பூமி லாப யோகத்தின் பலன்கள் :
இவர்களுக்கு நிலம், மனை, வீடு வாங்கும் யோகம் அதிகம் இருக்கும்.
படுக்கை சுக யோகம் :
12ம் அதிபதி சுப கிரகங்கள் சம்பந்தம் பெற்றிருந்தால் படுக்கை சுக யோகம் உண்டாகிறது.
படுக்கை சுக யோகத்தின் பலன்கள் :
நல்ல உறக்கம் உண்டாகும். கட்டில் சுகம் உண்டு
பந்து பூஜ்ய யோகம் :
4 ஆம் அதிபதி உச்சம் பெற்று அல்லது நட்பு பெற்று குரு பார்வை பெற்றிருக்க உண்டாவது பந்து பூஜ்ய யோகம் ஆகும்.
பந்து பூஜ்ய யோகத்தின் பலன்கள் :
இவர்களுக்கு உறவினர்கள் மூலம் ஆதரவு உண்டாகும்.
விமலா யோகம்
12 ம் அதிபதி 12ல் இருப்பது விமலா யோகம் ஆகும்.
விமலா யோகத்தின் பலன்கள் :
இவர்கள் சுதந்திரமாக வாழ விரும்புவார்கள். இவர்கள் மற்றவர்களுக்கு நன்மையே செய்வர். இவர்கள் தொண்டு செய்வதற்கென்றே பிறந்தவர்கள் ஆவார்கள்.
பூமி விருத்தி யோகம்
4 ஆம் வீட்டிற்கு அதிபதி தனது உச்ச வீட்டிலோ, சொந்த வீட்டிலோ, நட்பு வீட்டிலோ இருந்து அதை சுப கிரகங்கள் பார்த்தால் பூமி விருத்தி யோகம் உண்டாகிறது.
பூமி விருத்தி யோகத்தின் பலன்கள்
இந்த யோகம் வாய்க்க பெற்றவர்களுக்கு சொந்த வீடு அமையும். வீட்டின் மூலம் வருமானமும் கிடைக்கும்.
உங்கள் ஜாதகத்தில் உள்ள யோகங்கங்களை பற்றி தெரிந்து கொள்ள இங்கே கிளிக் செய்யவும்.
