சைனீஸ் கார்லிக் சிக்கன்

சைனீஸ் கார்லிக் சிக்கன்

தேவையான பொருட்கள்

1. சிக்கன் – ½  கிலோ ( எலும்பில்லாதது )
2. மைதா – 3 ஸ்பூன்
3. சோள மாவு – 3 ஸ்பூன்
4. உப்பு – தேவையான அளவு
5. மிளகுத் தூள் – 1 ஸ்பூன்
6. சோயா சாஸ் – 1 ஸ்பூன்
7. இஞ்சி பூண்டு விழுது  – 2 ஸ்பூன்
8. தண்ணீர் – தேவையான அளவு
9. எண்ணெய் – தேவையான அளவு

கிரேவி செய்ய தேவையான பொருட்கள்

1. எண்ணெய் – சிறிதளவு
2. வெண்ணெய் – 1 ஸ்பூன்
3. இஞ்சி – 1 துண்டு ( பொடியாக நறுக்கியது )
4. பூண்டு – 20 பல் ( பொடியாக நறுக்கியது )
5. வெங்காயம் – 2 (பொடியாக நறுக்கியது)
6. தக்காளி சாஸ் – 1 ஸ்பூன்
7. சோயா சாஸ் – 1 ஸ்பூன்
8. சில்லி சாஸ் – 1 ஸ்பூன்
9. வினிகர் – ½  ஸ்பூன்
10. உப்பு – தேவையான அளவு
11. சர்க்கரை – 1 ஸ்பூன்
12. மிளகுத் தூள் – 1 ஸ்பூன்
13. சோள மாவு – 1 ஸ்பூன்
14. வெங்காயத் தாள் – சிறிதளவு
15. தண்ணீர் – தேவையான அளவு

செய்முறை

1.    முதலில் சிக்கனை நன்கு சுத்தம் செய்து கழுவி எடுத்துக் கொள்ளவும்.       சுத்தம் செய்த சிக்கனை  ஒரு அகலமான பாத்திரத்தில் சேர்த்துக்    கொள்ளவும்.
2. சிக்கனுடன் மைதா, சோள மாவு, மிளகு தூள், சோயா சாஸ், இஞ்சி பூண்டு விழுது, தேவையான அளவு உப்பு சேர்த்துக் கொள்ளவும்.
3. சிறிதளவு தண்ணீர் சேர்த்து நன்கு பிரட்டி வைத்துக் கொள்ளவும்.
   பின்னர் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றிக் கொள்ளவும்.
4. எண்ணெய் காய்ந்ததும் ஊற வைத்துள்ள  சிக்கன் துண்டுகளை சேர்த்து பொன்னிறமாக பொரித்து எடுத்துக் கொள்ளவும்.
   பிறகு மற்றொரு வாணலியை அடுப்பில் வைத்து, அதில் சிறிதளவு எண்ணெய் மற்றும் 1 ஸ்பூன் வெண்ணெய் சேர்த்துக் கொள்ளவும்.
5. வெண்ணெய் உருகியதும்  அதில் பொடியாக நறுக்கிய இஞ்சி மற்றும் பூண்டை சேர்த்து வதக்கிக் கொள்ளவும்.
6. இஞ்சி பூண்டு வதங்கியதும் பொடியாக நறுக்கி வைத்துள்ள வெங்காயத்தை சேர்த்து வதக்கிக் கொள்ளவும்.
7. வெங்காயம் கண்ணாடி பதத்திற்கு வதங்கியதும் மிளகு தூள், மற்றும் தேவையான அளவு உப்பு சேர்த்துக் கொள்ளவும்.
8. பின்னர் தக்காளி சாஸ், சோயா சாஸ், சில்லி சாஸ், வினிகர், 1 ஸ்பூன் சர்க்கரை சேர்த்து நன்றாக கலந்து விடவும்.
9. ஒரு சிறிய கிண்ணத்தில் 1 ஸ்பூன் சோள மாவினை சேர்த்துக் கொள்ளவும்.
10. அதில் சிறிதளவு தண்ணீர் சேர்த்து கட்டிகள் எதுவும் இல்லாமல் கரைத்துக் கொள்ளவும்.
11. கலந்த சோள மாவு கலவையை வாணலியில் சேர்த்துக் கொள்ளவும்.
12. சோள மாவு சேர்த்து கைவிடாமல் கலந்து விடவும்.
13. பின்னர் பொறித்து வைத்துள்ள சிக்கன் துண்டுகளை சேர்த்து நன்கு கிளறி 2 நிமிடத்திற்கு மூடி பொட்டு வேக விடவும்.
14. கடைசியாக பொடியாக நறுக்கிய வேங்கயத்தாளினை சேர்த்து கிளறி இறக்கினால் சுவையான சைனீஸ் கார்லிக் சிக்கன் ரெடி.