சுவையான மாம்பழ பாயாசம் செய்முறை

மாம்பழ பாயாசம்

தேவையான பொருட்கள்

1. மாம்பழ விழுது – ஒரு கப்
2. மாம்பழ துண்டுகள் – ½ கப்
3. சர்க்கரை – ½ கப்
4. பால் – 1 லிட்டர்
5. நெய் – சிறிதளவு
6. முந்திரி, திராட்சை, பாதாம், பிஸ்தா  – தேவையான அளவு
7. ஏலக்காய்த் தூள் – ¼ ஸ்பூன்

செய்முறை

1. ஒரு வாணலியில் சிறிதளவு நெய் சேர்த்துக் கொள்ளவும்.
2. நெய் சூடானதும் முந்திரி, திராட்சையை சேர்த்து சிவக்க வறுத்து எடுக்கவும்.
3. அதே வாணலியில் 1 லிட்டர் பாலை சேர்த்து நன்கு காய்ச்சவும்.
4. வேறு ஒரு நான்ஸ்டிக் பேனில் சிறிதளவு நெய் சேர்த்து அதில் மாம்பழ விழுதினை சேர்த்து நன்கு கிளறி விடவும்.
5. பால் நன்கு காய்ந்ததும் நெய்யில் வதக்கிய மாம்பழ விழுதினை சேர்க்கவும்.
6. மாம்பழம் பாலுடன் சேர்ந்து சிறிது நேரம் கொதிக்க விடவும்.
7. பின்னர் சர்க்கரையை சேர்த்து கொள்ளவும்.
8. சர்க்கரை கரைந்து பாயாசம் கெட்டியானதும் வறுத்து வைத்துள்ள முந்திரி திராட்சை, பாதாம் , பிஸ்தா சேர்த்துக் கொள்ளவும்.
9. பின் ஏலக்காய் தூள் மற்றும் சிறிதளவு மாம்பழ துண்டுகளை சேர்த்து கிளறி இறக்கினால் சுவையான மாம்பழ பாயாசம் ரெடி.