கேழ்வரகு முறுக்கு

தேவையான பொருட்கள்

1. கேழ்வரகு மாவு – 500 கிராம்
2. அரிசி மாவு – 50 கிராம்
3. உடைத்த கடலை மாவு – 50 கிராம்
4. சீரகம் – 1 ஸ்பூன்
5. வெண்ணை  – 1 ஸ்பூன்
6. உப்பு – தேவையான அளவு
7. மிளகாய்த் தூள் – சிறிதளவு
8. எண்ணெய் – தேவையான அளவு

செய்முறை

1. ஒரு அகலமான பாத்திரத்தில் கேழ்வரகு மாவினை சலித்து விட்டு சேர்த்துக் கொள்ளவும்.
2. அத்துடன் அரிசி மாவு, உடைத்த கடலை மாவு, வெண்ணெய்  சேர்த்து கலந்து  கொள்ளவும்.
3. பின்னர் உப்பு, மிளகாய்த் தூள், சீரகம் சேர்த்து கலந்து கொள்ளவும்.
4. தேவையான அளவு தண்ணீர் சேர்த்து மிருதுவாக பிசைந்துகொள்ள வேண்டும்.
5. பின்னர் முறுக்கு அச்சில் சிறிதளவு எண்ணெய் தடவி வைத்துக் கொள்ளவும்.
6. ஒரு வாணலியில் முறுக்கு பொறித்து எடுக்க தேவையான அளவு எண்ணெய் சேர்த்துக் கொள்ளவும்.
7. பிசைந்து வைத்துள்ள மாவை முறுக்கு அச்சில் போட்டு ஒரு பூந்தி கரண்டியில் பிழிந்து பின் எண்ணெயில் சேர்த்துக் கொள்ளலாம்.
8. நேரடியாகவும் எண்ணெயில் பிழிந்து கொள்ளலாம்.
9. முறுக்கு பிழியும் போது எண்ணெய் நன்கு சூடாக இருக்க வேண்டும்.
10. பிழிந்த பின் மிதமான தீயில் வைத்து இரண்டு பக்கமும் சிவக்க வைத்து எடுத்தால் சுவையான சத்தான கேழ்வரகு முறுக்கு ரெடி.