இறால் கட்லட் செய்வது எப்படி

இறால் கட்லட்

தேவையான பொருட்கள்

1. இறால் –  ½ கிலோ
2. பெரிய வெங்காயம் – 1 ( பொடியாக நறுக்கியது )
3. இஞ்சி பூண்டு விழுது – 1 ஸ்பூன்
4. பச்சைமிளகாய் – 1 ( பொடியாக நறுக்கியது )
5. உருளை கிழங்கு – 2 ( வேக வைத்து மசித்தது )
6. மிளகாய் தூள் – ½ ஸ்பூன்
7. மிளகுத்தூள் – ½  ஸ்பூன்
8. மஞ்சள்தூள் – 1/4 ஸ்பூன்
9. கொத்தமல்லி  – சிறிதளவு
10. சோள மாவு – ½ கப்
11. பிரட் தூள் – 1 கப்
12. உப்பு –  தேவையான அளவு
13. எண்ணெய் – தேவையான அளவு

செய்முறை

1. இறால் கட்லட் செய்வதற்கு முதலில் இறாலை தோல் நீக்கி சிறிதளவு மஞ்சள் தூள், உப்பு சேர்த்து நன்கு கழுவி சுத்தம் செய்து எடுத்துக் கொள்ளவும்.
2. சுத்தம் செய்த இறாலுடன் கொஞ்சம் தண்ணீர் சேர்த்து வேக வைத்துக் கொள்ளவும்.
3. இறால் முக்கால் பாகத்திற்கு வெந்தவுடன் தண்ணீரை வடித்து  ஆற வைக்கவும்.
4. இறால் சூடு முழுமையாக ஆறியதும் ஒரு மிக்ஸி ஜாரில் சேர்த்து கொரகொரப்பாக அரைத்துக் கொள்ளவும்.
5. ஒரு வாணலியில் சிறிதளவு எண்ணெய் சேர்த்துக் கொள்ளவும்.
6. எண்ணெய் சூடானதும் பொடியாக நறுக்கிய வெங்காயத்தை சேர்த்துக் கொள்ளவும்.
7. வெங்காயம் வதங்கியதும் பொடியாக நறுக்கிய பச்சை மிளகாய், இஞ்சி பூண்டு விழுது சேர்த்து வதக்கவும்.
8. பின்னர் ½ ஸ்பூன் மிளகாய் தூள், ½ ஸ்பூன் மிளகாய் தூள், ¼ ஸ்பூன் மஞ்சள் தூள் சேர்த்து மசாலாவின் பச்சை வாசனை போகும் வரை வதக்கவும்.
9. இத்துடன் வேக வைத்து மசித்து வைத்துள்ள உருளைகிழங்கை சேர்க்கவும்.
10. உருளைகிழங்கை சேர்த்து நன்கு கிளறி சிறிதளவு கொத்தமல்லி தழை தூவி கிளறி ஒரு பாத்திரத்தில் மாற்றிக் கொள்ளவும்.
11. ஒரு சிறிய பாத்திரத்தில் ½ கப் அளவிற்கு சோள மாவு சேர்த்துக் கொள்ளவும்.
12. இதில் சிறிதளவு தண்ணீர் சேர்த்து கட்டிகள் இல்லாமல் கரைத்துக் கொள்ளவும்.
13. பிரட் தூள் சிறிதளவு எடுத்துக் கொள்ளவும்.
14. சூடு ஆறியதும் இறால் மசாலாவை கட்லட் வடிவத்தில் தட்டிக் கொள்ளவும்.
15. சோள மாவு கலவையில் முக்கி எடுத்து பிரட் தூளில் பிரட்டி எடுத்து கொள்ளவும்.
16. ஒரு கடாயில் பொரிக்க தேவையான அளவு எண்ணெய் ஊற்றிக் கொள்ளவும்.
17. எண்ணெய் சூடானதும் பிரட் தூளில் பிரட்டி வைத்துள்ள கட்லட்டை எண்ணெய் சேர்த்து பொறித்து எடுத்தால் சுவையான இறால் கட்லட் ரெடி.