சுவையான செட்டிநாடு மீன் குழம்பு

சுவையான செட்டிநாடு மீன் குழம்பு

தேவையான பொருட்கள்

1. மீன் – ½  கிலோ
2. புளி – எலுமிச்சை அளவு
3. பூண்டு – 10 பல்
4. சின்ன வெங்காயம் – 10
5. தக்காளி – 1
6. மஞ்சள்தூள் – ¼ ஸ்பூன்
7. மிளகாய்த்தூள் – 2 ஸ்பூன்
8. மல்லித்தூள் – 2 ஸ்பூன்
9. உப்பு – தேவையான அளவு
10. கொத்தமல்லி தழை – 1 கைப்பிடி

அரைக்க

1. தேங்காய் துருவல் – ¼  கப்
2. மிளகு – 1 ஸ்பூன்
3. சீரகம் – 1 ஸ்பூன்
4. கருவேப்பிலை – 2 கொத்து

தாளிக்க

1. சீரகம் – ½  தேக்கரண்டி
2. கடுகு – ½ ஸ்பூன்
3. மிளகு – ½  தேக்கரண்டி
4. வெந்தயம் – 1 ஸ்பூன்
5. கருவேப்பிலை – ஒரு கைப்பிடி
6. நல்லெண்ணெய் –  தேவையான அளவு

செய்முறை

1. புளியை 1 /2 கப் தண்ணீரில் கரைத்து வடிகட்டி எடுத்துக் கொள்ளவும்.
2. தேங்காய், மிளகு, சீரகம், கருவேப்பிலை ஆகியவற்றை சிறிது தண்ணீர் சேர்த்து அரைத்துக் கொள்ளவும்.
3. வெங்காயம், பூண்டு ஆகியவற்றை நீளவாக்கில் நறுக்கிக் கொள்ளவும்.
4. மீனை சுத்தம் செய்து துண்டுகளாக வெட்டிக் கொள்ளவும்.
5. கடாயில் என்னை ஊற்றி கடுகு,சீரகம், மிளகு, வெந்தயம், கருவேப்பிலை சேர்த்து தாளிக்கவும்.
6. பின் பூண்டு, வெங்காயம் சேர்த்து 2 நிமிடங்கள் வதக்கவும். தக்காளி சேர்த்து நன்கு மசியுமாறு வதக்கவும்.
7. பின் புளித்தண்ணீர், மஞ்சள்தூள், மிளகாய்த்தூள், மல்லித்தூள், உப்பு சேர்த்து கொதிக்க விடவும்.
8. நன்கு கொதிக்க ஆரம்பித்தவுடன், அரைத்து வைத்துள்ள மசாலா சேர்த்து குழம்பு திக்காகும் வரை கொதிக்க விடவும்.
9. வெட்டி வைத்துள்ள மீன் துண்டுகளைச் சேர்த்து 10 நிமிடங்கள் வேக விட்டு இறக்கவும்.
10. கடைசியாக கொத்தமல்லி தழை சேர்த்து பின் பரிமாறினால் சுவையான மீன் குழம்பு தயார்.