கேழ்வரகு பர்பி

தேவையான பொருட்கள்

• ராகி மாவு – 1 கப்
• ரவை – ¼ கப்
• வெல்லம் – 1 கப்
• நெய் – தேவையான அளவு
• முந்திரி – தேவையான அளவு
• ஏலக்காய் தூள் – சிறிதளவு

செய்முறை

• கேழ்வரகு  பர்பி செய்வதற்கு ஒருஅடி கனமான வாணலியை சூடுபடுத்திக் கொள்ளவும்.
• வாணலியில் சிறிதளவு நெய் சேர்த்துக் கொள்ளவும்.
• நெய் சூடானதும் அதில் 1 கப் கேழ்வரகு மாவினை சேர்த்து மிதமான தீயில் வறுத்துக் கொள்ளவும்.
• பின்னர் அதில் ¼ கப் ரவை சேர்த்து நன்கு வறுத்துக் கொள்ளவும்.
• வேறொரு பாத்திரத்தில் 1 கப் வெல்லத்தை சேர்த்து கரைத்து வடிகட்டி எடுத்துக் கொள்ளவும்.
• வடிகட்டிய வெல்ல கரைசலை கேழ்வரகு மாவுடன் சேர்த்து நன்கு கைவிடாமல் கலந்து விடவும்.
• கட்டிகள் எதுவும் இல்லாமல் குறைவான தீயில் வைத்து கலந்து விடவும்.
• வெல்லக் கரைசலில் கேழ்வரகு மாவும், ரவையும் வெந்துவரும் வரை நன்கு கலந்து விடவும்.
• மாவு நன்கு வெந்ததும் சிறிதளவு நெய் சேர்த்து பாத்திரத்தில் ஒட்டாமல் வரும் வரை கலந்து விடவும்.
• பின்னர் ஏலக்காய் தூள், முந்திரி சேர்த்து கிளறி ஒரு நெய் தடவிய தட்டில் சேர்க்கவும்.
• சிறிது சூடு ஆறியதும் விரும்பிய வடிவத்தில் வெட்டி பரிமாறினால் சுவையான சத்தான கேழ்வரகு பர்பி ரெடி.