அமாவாசை அன்று வீட்டில் ஏன் கோலம் போடக் கூடாது?

அமாவாசையில்  வீட்டில் ஏன் கோலம் போடக் கூடாது?

தினசரி காலை, மாலை என இரண்டு வேளையும் கோலம் போடுவதை  நாம் வழக்கமாக கொண்டுள்ளோம். தினந்தோறும் கோலமிடுவதால் வீட்டில் தெய்வகடாட்சம்  நிறைந்திருக்கும் என்பது ஐதீகம். நமது முன்னோர்கள், வாழும் இல்லத்தை கடவுளின் இருப்பிடமாகக் கருதினர். இதன் காரணமாகவே குடும்பம் ஒரு கோயில் என்றனர்.

அமாவாசையில் ஏன் கோலம் போடக்கூடாதுஇதனால் வீட்டை புனிதமாக்கும் வகையில் தினமும் காலை, மாலையில் வாசலை சுத்தம் செய்து கோலம் போடுவதை வழக்கமாக கொண்டிருந்தனர். கோலம் போடுவதும் வழிபாட்டில் ஒன்றாகும். அதிகாலையில் வீட்டு வாசலில் சாணம் தெளித்து கோலமிட்டால் மகாலட்சுமி நம் இல்லம் தேடி வருவாள் என்பது ஐதீகமாகும். ஆனால் அமாவாசை அன்று மட்டும் நாம் கோலம் போடுவதில்லை. அது ஏன் என்பதை பார்க்கலாம்.

அமாவாசை அன்று ஏன் கோலம் போடக்கூடாது? அதற்கான காரணங்கள்

அமாவாசை அன்று கோலமிடாமல் இருத்தலும் தமிழர் பண்பாட்டில் ஒன்றுதான். இறை வழிபாடும், முன்னோர் வழிபாடும் ஒன்றாக ஒரே நேரத்தில் வந்தால் நாம் முன்னோர் வழிபாட்டிற்கே முக்கியத்துவம் அளிக்க வேண்டும். இக்காரணத்தாலேயே, நாம் அமாவாசையன்று கோலமிடுவதை தவிர்க்கிறோம். இது, முன்னோர்களுக்கு நாம் அளிக்கும் முன்னுரிமையாகும்.

கோலங்கள் தெய்வ வழிபாட்டிற்கு உரியவை என்பதுடன் மகிழ்ச்சியின் வெளிப்பாடாகவும் இருக்கிறது. எனவே முன்னோர்களை இழந்து அவர்கள் பிரிவால் வாடும் நாம் கோலம் போடுவதை தவிர்ப்பது மரபாகும்.

அமாவாசை தினத்தில் வீட்டு வாசலில் கட்டாயம் கோலம் போடக் கூடாது. ஏன் என்றால் அன்றைய தினத்தில் தான் பித்ருக்கள் வீட்டிற்கு வருவதால் கோலம் போட்டு விசேஷமாக கொண்டாடக் கூடாது. எனவே அமாவாசை தினங்களில் முன்னோர்களை வழிபாடு செய்பவர்களும், முன்னோர்களுக்கு பிதுர் காரியங்கள் செய்பவர்களும் கோலமிடுவதை தவிர்க்க வேண்டும்.

அமாவாசை அன்று கோலம் போடலாமா அமாவாசை என்பது பித்ருக்களுக்கான தினம். அன்றைய நாளில் தர்ப்பணம் கொடுத்து முடித்ததும், வாசலில் கோலம் போடலாம். அன்றைய தினம் முழுவதுமே வாசலில் கோலம் போடாமல் இருந்தாலும் தவறில்லை.

மறைந்த நமது முன்னோர்களுக்கு உகந்த தினமாக அமாவாசை இருக்கின்றது. அதனால் தான் ஒவ்வொரு மனிதனும் தினமும் இல்லாவிட்டாலும், அமாவாசையன்று மட்டுமாவது தானம் தருமங்களைச் செய்ய வேண்டும் என்று நம் முன்னோர்கள் சொல்லியிருக்கிறார்கள்.

அமாவாசையன்று செய்கின்ற தர்ப்பணத்தினால், நமது முன்னோர்களின் தாகமும், பசியும் நிவர்த்தியாகும் என்கிறது சாஸ்திரம். அதனால் தான் பிதுர் தர்ப்பணம் செய்யும் பொழுது எள்ளும், தண்ணீரும் இறைக்கிறோம்.

அமாவாசையன்று நம்மை ஆசிர்வதிக்க, நம் இருப்பிடத்தைத் தேடி நம் முன்னோர்கள் வருகிறார்கள். அவர்களின் பசி, தாகம் தீர எள்ளு கலந்த நீரினால் தர்ப்பணம், சிராத்தம் செய்யும் போது, அவர்கள் அதை ஏற்றுக்கொண்டு அவர்களின் பசியையும், தாகத்தையும் தணித்துக் கொண்டு நம்மை ஆசிர்வதிக்கிறார்கள்.

அமாவாசையன்று தர்ப்பணமும் கொடுத்து, பித்ருக்களுக்குப் பிடிக்காத சிலவற்றையும் செய்து வந்தால் பலன்கள் கிடையாது. அதனால் தான் அமாவாசையன்று சிலவற்றை  நாம் தவிர்க்க வேண்டும். அதாவது வாசலில் கோலம் போடுவது, மணி அடிக்கும் ஒலி போன்றவற்றையும் நாம் தவிர்க்க வேண்டும்.

Related Articles

LEAVE A REPLY

Please enter your comment!
Please enter your name here

Latest Articles

கும்ப லக்னத்தில் பிறந்தவர்களின் குணாதசியங்கள்

கும்ப லக்னத்தில் பிறந்தவர்களின் குணாதசியங்கள்

கும்ப லக்னத்தில் பிறந்தவர்களின் குணாதசியங்கள் கும்ப லக்னத்தின் அதிபதி சனி பகவனாவார். இந்த லக்னத்தில் பிறந்தவர்கள் பெரும்பாலோனோர் சற்று உயரமாக இருப்பார்கள். இவர்கள் நல்ல கவர்ச்சியான, மற்றும் கம்பீரமான தோற்றம் கொண்டவர்கள். தெய்வ பக்தியும்,...
ரஜ்ஜு பொருத்தம் என்றால் என்ன

ரஜ்ஜூ பொருத்தம் என்றால் என்ன? ரஜ்ஜு பொருத்தம் பார்ப்பது எப்படி

ரஜ்ஜூ பொருத்தம் என்றால் என்ன? பத்து பொருத்தங்களில் மிக முக்கியமான பொருத்தமாக கருதப்படுவது ரஜ்ஜூ பொருத்தமாகும். கணவராக வரபோகிறவரின் ஆயுள் நிலையை அறிந்து கொள்வதற்கு ரஜ்ஜு பொருத்தம் பார்ப்பது மிகவும் அவசியமாகும். ஏனெனில், பெண்ணின்...
கேரட் ஹேர் பேக்

தலை முடி மென்மையாகவும் அடர்த்தியாகவும் வளர கேரட் ஹேர் பேக்

தலை முடி மென்மையாகவும் அடர்த்தியாகவும் வளர கேரட் ஹேர் பேக் ஆண், பெண் இருவருக்குமே தலை முடி அடர்த்தியாக இருக்க வேண்டும் என்பதே அனைவரின் விருப்பமாகும். குறிப்பாக பெண்களுக்கு தலைமுடிதான் அழகு. நீண்ட அடர்த்தியான...
puzzles

Puzzles with Answers | Puthirgal | Brain teasers

புதிர்களும் விடைகளும்  இந்த பகுதியில் உங்களின் மூளைக்கு வேலை தரக்கூடிய அருமையான புதிர்களின் தொகுப்பு, மற்றும் அறிவுக்கு தீனி போடும் புதிர் கேள்விகள், மற்றும் விடுகதைகள் தமிழ் மொழியில் எளிதான விளக்கங்கள் மற்றும் விடைகளுடனும்...
மருதாணி இலை பயன்கள்

மருத்துவ குணங்கள் நிறைந்த மருதாணி இலை

மருதாணி இலை மருதாணியை விரும்பாத பெண்களே இல்லை எனலாம். பெண்மை என்பதே அழகுதான். அந்த அழகுக்கு அழகுக்கு அழகு சேர்ப்பது மருதாணியாகும். மருதாணியானது மைலாஞ்சி, மருதோன்றி, ஐனாஇலை, ஐவனம், அழவணம் என வேறு பெயர்களாலும்...
வாய் துர்நாற்றம் எதனால் ஏற்படுகிறது

வாய் துர்நாற்றம் நீங்க நிரந்தர தீர்வு

வாய் துர்நாற்றம் வாய்துர்நாற்றம் பாதிப்பு இன்று பலருக்கும் இருக்கும் ஒரு பிரச்சனையாகும். இதனால் தனது நெருங்கிய துணையுடன் கூட பேச முடியாமல் சங்கடத்திற்கு உள்ளாகின்றனர். சிலருக்கு வாய் சுகாதாரமாக இருந்தாலும் உண்ணும் உணவில் உள்ள...
பெண்கள் தினசரி சாப்பிட வேண்டிய உணவுகள்

பெண்கள் தினசரி உணவில் சேர்த்துக் கொள்ள வேண்டிய உணவுகள்

பெண்கள் தினசரி  சேர்த்துக் கொள்ள வேண்டிய உணவுகள் குடும்பத்தில் உள்ள அனைவரையும் கவனித்துக் கொள்ளும் பெண்கள் தங்களை கவனிக்க தவறிவிடுகின்றனர். ஒரு வீட்டின் பெண் ஆரோக்கியமாக இருந்தால் தான் அந்த குடும்பத்தில் உள்ள...

Follow by Mail

Get all latest content delivered straight to your inbox.