பலாப்பழ பாயாசம்
பலாப்பழத்தில் எண்ணற்ற உடலுக்கு ஆரோக்கியம் தரக்கூடிய சத்துக்கள் நிறைந்துள்ளன. சுவையான பலாப்பழ பாயாசம் எப்படி செய்வது என்பதை பார்க்கலாம்.
தேவையான பொருட்கள்
- பலாப்பழ சுளைகள் – தேவையான அளவு
- தேங்காய் பால் – 2 கப்
- பொடி செய்த வெல்லம் – 1 கப் ( இனிப்பு சுவைக்கேற்ப )
- ஏலக்காய் தூள் – சிறிதளவு
- நெய் – சிறிதளவு
- தண்ணீர் – தேவையான அளவு
- முந்திரி, திராட்சை – சிறிதளவு
செய்முறை
- முதலில் பலாப் பழத்தின் சுளைகளை நன்கு பொடிப்பொடியாக நறுக்கி எடுத்துக் கொள்ளவும்.
- ஒரு அகன்ற பாத்திரத்தில் கொஞ்சம் நெய் சேர்த்துக் கொள்ளவும்.
- நெய் சூடானதும் அதில் நறுக்கி வைத்துள்ள பலாப்பழ துண்டுகளை சேர்க்கவும்.
- 2 நிமிடத்திற்கு பலாப்பழத்தை நன்கு வதக்கிக் கொள்ளவும்.
- ஓரளவிற்கு பலாப்பழம் வதங்கியதும் சிறிதளவு தண்ணீர் சேர்த்து வேக விடவும்.
- பலாப்பழம் வெந்ததும் எடுத்து வைத்துள்ள தேங்காய் 2 கப் தேங்காய் பாலை சேர்த்து மிதமான தீயில் கொதிக்க விடவும்.
- பின்னர் பொடி செய்து வைத்துள்ள வெல்லத்தை சேர்க்கவும்.
- வெல்லம் நன்கு கரைந்து சிறிது நேரம் கொதித்து கெட்டியான பதத்திற்கு வந்த பின் ஏலக்காய் தூள் சேர்த்து கலந்து அடுப்பில் இறக்கி விடவும்.
- பின்னர் ஒரு சிறிய வாணலியில் கொஞ்சம் நெய் சேர்த்து முந்திரி, திராட்சை வறுத்து எடுத்து கொள்ளவும்.
- வறுத்த முந்திரி திராட்சையை பாயாசத்தில் சேர்த்து பரிமாறினால் சுவையான கேரளா ஸ்பெஷல் பலாப்பழ பாயாசம் தயார்.
