இறால் 65

தேவையான பொருட்கள்

1. இறால் – ½ கிலோ
2. சோளமாவு – 1 ஸ்பூன்
3. மைதா மாவு – 1 ஸ்பூன்
4. முட்டை – 1
5. தயிர் – 2 ஸ்பூன்
6. இஞ்சி, பூண்டு விழுது – 1 ஸ்பூன்
7. எலுமிச்சை சாறு – 1 ஸ்பூன்
8. சீரக தூள் – ½ ஸ்பூன்
9. மிளகாய் தூள் – 1 ஸ்பூன்
10. மஞ்சள் தூள் – சிறிதளவு
11. தனியா தூள் – 1 ஸ்பூன்
12. எண்ணெய் – தேவையான அளவு
13. உப்பு – தேவையான அளவு

செய்முறை

1. இறால் 65 செய்வதற்கு கொஞ்சம் பெரிய இறாலாக பார்த்து வாங்கிக் கொள்ளவும்.
2. முதலில் ஈரலை நன்கு கழுவி சுத்தம் செய்து கொள்ள வேண்டும்.
3. பின்னர் மஞ்சள் தூள், மிளகாய் தூள், சீரகத் தூள், தனியா தூள், சோளமாவு, மைதா, இஞ்சி பூண்டு விழுது, எலுமிச்சை சாறு, முட்டை மற்றும் தயிர் சேர்த்து நன்கு கலந்து கொள்ளவும்.
4. தேவையான அளவு உப்பு சேர்த்து கொள்ளவும்.
5. தண்ணீர் தேவைப்பட்டால் சேர்த்துக் கொள்ளலாம்.
6. இவை அனைத்தையும் சேர்த்து நன்கு கலந்து ½ மணி நேரத்திற்கு ஊற வைக்கவும்.
7. ½ மணி நேரம் ஊறிய பின் ஒரு வாணலியில் எண்ணெய் ஊற்றிக் காய்ந்ததும் ஊற வைத்த இறாலை எண்ணெயில் பொறித்து எடுத்தால் சுவையான இறால் 65 ரெடி.