அவல் பாயாசம்

தேவையான பொருட்கள்

1. அவல் – 1 கப்
2. வெல்லம் – ½ கப்
3. பால் – 2 கப்
4. ஏலக்காய் தூள்  – சிறிதளவு
5. முந்திரிப்பருப்பு – தேவையான அளவு
6. நெய் – தேவையான அளவு
7. உப்பு – ஒரு சிட்டிகை

செய்முறை

1. அவல் பாயாசம் செய்வதற்கு முதலில் ஒரு வாணலியில் சிறிதளவு  நெய் ஊற்றிக் கொள்ளவும்.
2. நெய் சூடானதும் அதில் முந்திரி பருப்பை சேர்த்து பொன்னிறமாக வறுத்து எடுத்துக் கொள்ளவும்.
3. அதே வாணலியில் சுத்தமான அவல் 1 கப் சேர்த்துக் கொள்ளவும்.
4. அடுப்பை மிதமான சூட்டில் வைத்து அவலை வறுத்து எடுத்துக் கொள்ளவும்.
5. வறுத்த அவலுடன் 2 கப் காய்ச்சி ஆற வைத்த பால் சேர்க்கவும்.
6. மிதமான தீயில் வைத்து அவலை பாலில் வேக வைக்கவும்.
7. மற்றொரு வாணலியில் ½ கப் வெல்லத்தை சேர்த்து சிறிது நேரம் கொதிக்க வைத்து வடிகட்டி எடுத்துக் கொள்ளவும்.
8. அவல் பாலுடன் சேர்ந்து நன்கு வெந்தவுடன் வடிகட்டி வைத்துள்ள வெல்லக் கரைசலை சேர்த்து கலந்து விடவும்.
9. வெல்லம் சேர்த்து 1 நிமிடம் மட்டும் கொதித்தால் போதுமானது.
10. பின்னர் அதில் ஏலக்காய் தூள், வறுத்த முந்திரிபருப்பை சேர்த்து கலந்து இறக்கினால் சுவையான அவல் பாயாசம் ரெடி.