சதாவரி என்னும் தண்ணீர்விட்டான் கிழங்கு-ன் மருத்துவ பயன்கள்

சதாவரி என்னும் தண்ணீர்விட்டான் கிழங்கு

சதாவரி என்பது இந்தியா, இலங்கை, இமயமலை ஆகிய இடங்களில் காணப்படும் அஸ்பராகஸ் இனத் தாவரம் ஆகும். இது பல வியாதிகளை குணப்படுத்தும் தன்மை கொண்டது. இதை வடமொழியில் சதாவரி என்று அழைக்கிறார்கள். நம் ஊர்களில் இதை “தண்ணீர் விட்டான்” என்ற பெயரில் அழைக்கின்றனர். தண்ணீர் விட்டான் கிழங்குகள் பல்வேறு நம் தமிழ்நாட்டின் பல பகுதிகளில் பணப்பயிராக பயிரிடப்பட்டு வருகிறது. இது நாட்டு மருந்துக் கடைகளில் எளிதாகக் கிடைக்கும்.

தண்ணீர்விட்டான் கிழங்கு மருத்துவ பயன்கள்

இந்த தண்ணீர் விட்டான் கிழங்கிற்கு பல்வேறு நோய்களை குணமாக்கும் சக்தி இருப்பதால் வடநாட்டு ஞானிகள் நூறு நோய்களின் மருந்து எனப் பொருள்படும் வகையில் சதாவரி (சதா= நூறு , வரி = நோய்களின் மருந்து) எனப் பெயரிட்டுள்ளனர். நாட்டு மருத்துவத்தில் இது மூலிகை மருந்தாக பயன்படுகிறது. இந்த மூலிகையை பொறுத்தவரை இது உலகம் முழுவதிலும் பயிரிடப்படுகிறது. அதிலும் இந்தியாவை பொறுத்தவரையில் அனைத்துப் பகுதிகளிலும் விளைவிக்கப்படுகிறது.

சதாவரியின் வேறு பெயர்கள்

இதற்கு சாத்தாவாரி, சதாவேரி, நீர்வாளி, நீர்விட்டான், வரிவரி, சதாமூலம், தண்ணீர் விட்டான், நாராயண முலி, சதாவேலி, சதமுலை,உதக மூலம், சீக்குவை, பறனை, பீருதந்தி என வேறு பல பெயர்களும் உள்ளன. இதன் தண்டு, வேர், இலை, கிழங்கு ஆகிய அனைத்துமே மருத்துவ குணம் கொண்டதாகும்.

சதாவரியின் வகைகள்

சதாவரியில் மகா சதாவரி, சிறு சதாவரி என்ற இரு வகைகள் உண்டு. இதில் சிறு சதாவரி மலத்தை இளக்கி வெளியேற்றும். ரத்தத்தை சுத்திகரிக்கும். இது இனிப்புச் மற்றும் கசப்பு சுவையையும் ஒருங்கே கொண்டதாகும். மகாசதாவரி மூன்று நாடிகளையும் சமமாக்கி அதன் மூலம் எண்ணற்ற நோய்களை சரி செய்யும்.

சதாவரி மருத்துவப் பயன்கள்

மாதவிடாய் இரத்தபோக்கை கட்டுபடுத்தும்

சில பெண்களுக்கு மாதவிடாயின் போது அதிகபடியான இரத்தப்போக்கு ஏற்படும். இதற்க்கு அவர்கள் சதாவரி அல்லது தண்ணீர் விட்டான் கிழங்கை மாதவிடாயின் போது உபயோகித்தால் அதிகப்படியான இரத்தப்போக்கு கட்டுப்படுத்தபடுகிறது.

தாய்பால் சுரப்பை அதிகரிக்கும்

ஒரு சில பெண்களுக்கு குழந்தை பிறந்த சில நாட்களுக்கு பிறகு தாய்பால் சுரப்பு குறைகிறது. இதனால் அவர்களுக்கு குழந்தைக்கு தேவையான பால் கொடுக்க முடியாமல் போகிறது. இவர்கள் சதாவரி அல்லது தண்ணீர் விட்டான் கிழங்கை பயன்படுத்தினால் தாய்பால் சுரப்பு அதிகமாகும்.

சிறுநீர் பிரச்சனைகளை தீர்க்கும்

சதாவரி அல்லது தண்ணீர் விட்டான் கிழங்கை ஆண், பெண் இருபாலரும் பயன்படுத்தினால் சிறுநீர் சம்மந்தமான பிரச்சனைகள் குணமாகும். நீரிழிவு நோய்க்கு நல்ல மருந்தாக விளங்குகிறது.

மலத்தை இளக்கி வெளியேற்றும்

சதாவரி இறுகிய மலத்தை இளக்கி வெளியேற்ற கூடியது. மேலும் ரத்தத்தை சுத்திகரித்து நல்ல தூக்கத்தை தரக் கூடியது. குடல் வலி, வயிற்றுப் போக்கு, பசியின்மை போன்ற அனைத்தையும் குணமாக்க கூடியது.

காய்ச்சலை குணமாக்கும்

இது வெள்ளை வெட்டு நோய் தொந்தரவுகளில் இருந்து நம்மை காக்கும். பித்தம், எலும்புருக்கி நோய், நாள் பட்ட காய்ச்சல் ஆகிய அனைத்துப் நோய்களையும் குணமாக்கும்.

ஹார்மோன் பிரச்சனைகளை சரிசெய்கிறது

ஹார்மோன் பிரச்சினைகளினால் பெண்களுக்கு உடல்பருமன், மாதவிலக்கில் சிக்கல் போன்ற பாதிப்புகள் ஏற்படுகின்றன. அப்படியானவர்கள் இதை சாப்பிட்டால் கருப்பை பலமாகும். கர்ப்பகாலத்தில் பெண்களின் ஹார்மோன்களை சரியான அளவில் சுரக்கச் செய்கின்றது.

வயிற்று புண்களை ஆற்றும்

இது உடல் உள்உறுப்புகளில் ஏற்பட்டிருக்கும் புண்களை ஆற்றுகிறது. அல்சர் போன்ற வயிற்றுப் புண்களுக்கு தண்ணீர் விட்டான் கிழங்கு மிகச்சிறந்த மருந்து ஆகும்.

தண்ணீர் விட்டான் கிழங்கு மருத்துவ குணங்கள்

பாலுணர்வை தூண்டுகிறது

சதாவரியுடன், வால் மிளகு, தேன் மற்றும் சர்க்கரை சேர்த்து பயன்படுத்தும்போது அது பாலுணர்வை தூண்டுகிறது.

எலும்பு நரம்பு பிரச்சனைகள் குணமாகும்

சதாவரி தைலம் நரம்பு சம்பந்தமான நோய்களுக்கு நல்ல மருந்தாக விளங்குகிறது. மேலும் எலும்புகள் சம்பந்தப்பட்ட வலிகளையும் தீர்க்கிறது.

உடல் சோர்வு நீங்கும்

சதாவரி வேர்த்தூளை ஒரு ஸ்பூன் அளவு எடுத்துக்கொண்டு அதனைப் பசுவின் நெய்யோடு சேர்த்து நாள் ஒன்றுக்கு காலை, மாலை என இரு வேளைகள் உட்கொண்டு வந்தால் சோர்வு நீங்கி உடல் நன்கு பலம் பெறும்.

Related Articles

LEAVE A REPLY

Please enter your comment!
Please enter your name here

Latest Articles

உடல் கழிவுகள் நீங்க

உடல் கழிவுகளால் ஏற்படும் பாதிப்புகளும் வெளியேற்றும் வழிகளும்

உடலில் உள்ள கழிவுகளை வெளியேற்றும் அற்புத வழிகள் நாம் எடுத்துக் கொள்ளும் உணவில் உள்ள ஊட்டச்சத்துக்கள் உடலால் உறிஞ்சப்பட்ட பின் அதன் கழிவுகள் மலம் மற்றும் சிறுநீர் கழித்தலின் மூலம் வெளியேறி விடும். சில...
riddles in tamil

Most intelligent Puthirgal | Puzzles with Answers | Brain games

மூளைக்கு வேலை தரக்கூடிய கேள்விகள்  இந்த பகுதியில் உங்களின் மூளைக்கு வேலை தரக்கூடிய அருமையான புதிர்களின் தொகுப்பு, மற்றும் அறிவுக்கு தீனி போடும் புதிர் கேள்விகள், மற்றும் விடுகதைகள் தமிழ் மொழியில் எளிதான விளக்கங்கள்...
காகம் கரையும் பலன்கள்

காகம் சொல்லும் சகுனங்கள்

காகம் உணர்த்தும் சகுனம் காகம் இந்தியாவில் அதிக அளவில் காணப்படும் பறவை இனம் ஆகும். இந்து சமயத்தில் காகம் அதிக அளவில் முக்கியத்துவம் பெறுகிறது. எம லோகத்தின் வாயிலில் காகம் வீற்று இருப்பதாக ஒரு...
நட்சத்திர தோஷம்

நட்சத்திர தோஷங்களும், பரிகார முறைகளும்

நட்சத்திர தோஷங்களும், பரிகாரங்களும் ஜோதிடத்தில் 12 ராசிகளும், 27 நட்சத்திரங்களும், ஒரு நட்சத்திரத்துக்கு 4 பாதங்களும் உண்டு. இவ்வுலகில் பிறக்கும் எந்த ஒரு மனிதனும் இந்த மேற்கண்ட ராசி, நட்சத்திரம் மற்றும் நட்சத்திர பாதத்தில்...
மொட்டை போடுவது ஏன்

பிறந்த குழந்தைக்கு மொட்டை போடுவது ஏன் தெரியுமா

குழந்தைக்கு மொட்டை போடுவது ஏன் நம் நாட்டில் நிறைய பழக்கவழக்கங்கள் காரணம் தெரியாமலேயே மக்களால் இன்றும் பின்பற்றப்பட்டு வருகிறது ஆனால் அப்படி பின்பற்றப்படும் பழக்க வழக்கங்களுக்கு பின்னணியில் நிச்சயம் ஒரு உண்மை மறைந்திருக்கும். அப்படிப்பட்ட...
மிதுன லக்னத்தில் பிறந்தவர்களின் குணாதசியங்கள்

மிதுன லக்னத்தில் பிறந்தவர்களின் குணாதசியங்கள்

மிதுன லக்னத்தில் பிறந்தவர்களின் குணாதசியங்கள் மிதுன லக்னத்தின் அதிபதி புதன் பகவானவார். இந்த லக்னத்தில் பிறந்தவர்கள் அழகானவர்கள், மற்றும் அறிவாளிகள் என்பதால் சாதுரியமான செயல்களை செய்வார்கள். நல்ல பேச்சாற்றல் மிக்கவராகவும், கணக்கில் ஆர்வம் மிக்கவராகவும்...
ஆடியில் பிறந்தவர்களின் குணநலன்கள்

ஆடி மாதத்தில் பிறந்தவர்களின் குணங்கள்

ஆடி மாதத்தில் பிறந்தவர்களின் குணங்கள் ஆடி மாதத்தில் பிறந்தவர்கள், தங்கள் குடும்பத்தின் மீது அதிக பாசம் கொண்டு இருப்பார்கள். ஆனால் பாசத்தை வெளிப்படையாக காட்டிக் கொள்ள மாட்டார்கள். இவர்கள் கற்பனை சக்தி கொண்டவர்கள். அந்த...

Follow by Mail

Get all latest content delivered straight to your inbox.