தினப் பொருத்தம் என்றால் என்ன? எவ்வாறு பார்க்க வேண்டும்

தினப் பொருத்தம் என்றால் என்ன?

தினப் பொருத்தம் என்பது திருமணப் பொருத்தத்தில் முதல் பொருத்தம் ஆகும். தினப் பொருத்தம் என்பது கணவன், மற்றும் மனைவிக்கு இடையே தினசரி எந்த மாதிரியான சூழ்நிலைகள் நிலவும் என்பதை பற்றி கூறும் ஒரு பொருத்தமாகும். தினப் பொருத்தம் என்பதை நட்சத்திர பொருத்தம் என்றும் கூறுவார்கள்.

திருமண பொருத்தத்தில் இந்த தினப்பொருத்தம் இருந்தால் கணவன், மற்றும் மனைவி இடையே ஒற்றுமை மற்றும் இன்பமயமான திருமண வாழ்வு அமையும். மணமகன், மணமகள் இருவரின் ஆயுள் மற்றும் ஆரோக்கிய பலம் பற்றி தெரிந்துக் கொள்ள தினப் பொருத்தம் பார்க்கப்படுகிறது.

தினப் பொருத்தம் என்றால் என்ன

தினம் என்றால் நட்சத்திரம் என அர்த்தம். தினமும் சந்திர பகவான் தங்கும் இடம் அல்லது ஷேத்திரம் ஆகும். ஷேத்திரம் என்பதே நாளடைவில் மருவி நட்சத்திரம் என ஆகியது. தினப் பொருத்தம் ஆனது தாராபலன் என்று சொல்லக்கூடிய பொருத்தங்களில் ஒன்று. தினப்பொருத்தம் என்பது முக்கியமான ஒன்றாகும்.

தினப் பொருத்தம் எவ்வாறு பார்க்க வேண்டும்?

பெண்ணின் நட்சத்திரத்தில் இருந்து ஆணின் நட்சத்திரம் வரை எண்ணினால் வரும் எண்ணிக்கையானது 2, 4, 6, 8, 9, 11, 13, 15, 18, 20, 24 ஆக இருந்தால், தினப்பொருத்தம் உள்ளது என்று அர்த்தம். இந்த எண்ணிக்கை இல்லையெனில் தின பொருத்தம் இல்லை என பொருள்.

மணமகன், மணமகள் இருவருக்கும் ஒரே நட்சத்திரமாக இருந்தாலும் தினப் பொருத்தம் உள்ளது என அர்த்தம். சில ஜாதகங்களில் மணமகள், மணமகன் இருவருக்கும் ஒரே நட்சத்திரமாக இருந்தால், மணமகனுக்கு அந்த நட்சத்திரத்தில் முதல் பாதமாகவும், மணமகளுக்கு அடுத்தடுத்த பாதங்களில் ஏதாவது ஒன்றாகவும் இருந்தால் அது சுபப் பொருத்தம்.

அதேபோல மணமகனுக்கும், மணமகளுக்கும் ஒரே ராசியாக இருந்து, அதில் மணமகனுடைய நட்சத்திரம் முதலில் இருந்தால், தினப் பொருத்தம் உள்ளது என அர்த்தம்.

பெண்ணின் நட்சத்திரத்திலிருந்து துவங்கி, ஆணின் நட்சத்திரம் வரை எண்ணி, வரும் தொகையை ஒன்பதால் வகுத்தால், ஈவு 2, 4, 6, 8, 9 என்று வருமானால் இருவருக்கும் தினப்பொருத்தம் உண்டு என்று கொள்ளலாம்.

பெண் நட்சத்திரம் முதல் ஆண் நட்சத்திரம் வரை எண்ணிக்கொண்டு வரும்போது அந்த எண் தொகை 2, 4, 6, 8, 9, 11, 13, 15, 17, 18, 20, 22, 26, 27 என்று வருமானால் இதுவும் தினப் பொருத்தம்தான்.

ரோகிணி, திருவாதிரை, மகம், விசாகம், திருவோணம், அஸ்தம், உத்திரட்டாதி, ரேவதி ஆகிய 8 நட்சத்திரங்கள் ஏக நட்சத்திரங்களாக இருந்தால் பொருத்தம் உத்தமம்.

பூரம், உத்திரம், சித்திரை, புனர்பூசம், பூசம், அஸ்வினி, கார்த்திகை, பூராடம், உத்திராடம், மிருகசீரிஷம், அனுஷம் ஆகிய 11 நட்சத்திரங்களும் ஏக நட்சத்திரங்களாக இருந்தால் பொருத்தம் மத்திமம்.

ஆனால், பரணி, ஆயில்யம், சுவாதி, கேட்டை, மூலம், அவிட்டம், சதயம், பூரட்டாதி ஆகிய நட்சத்திரங்கள் ஆண், பெண் இருவருக்கும் ஒன்றாக இருந்தால் இந்த பொருத்தம் இல்லை.

தினம் பொருத்தத்தின் எண்ணிக்கை பலன்கள்

பெண் நட்சத்திரம் முதல் ஆண் நட்சத்திரம் வரை எண்ணும்போது 1,10,19 என எண்ணிக்கை வந்தால் அது மரணயோகம் அல்லது ஜென்ம யோகம் என்று அர்த்தம். எனவே இதற்கு தினப்பொருத்தம் இல்லை.

பெண் நட்சத்திரம் முதல் ஆண் நட்சத்திரம் வரை எண்ணும்போது 2,11,20 என்ற எண்ணிக்கையில் வந்தால் அது சம்பத் யோகம் எனப்படும். இது ஒரு சந்தோஷம் தரும் அமைப்பாகும். எனவே இதற்கு தினப்பொருத்தம் உண்டு.

பெண் நட்சத்திரம் முதல் ஆண் நட்சத்திரம் வரை எண்ணும்போது 3,12,21 என்ற எண்ணிக்கையில் வந்தால் அது விபத்து யோகம் எனப்படும். இதனால் எதிர்பாராத சண்டை சச்சரவுகள் ஏற்படும் வாய்புகள் அதிகம். எனவே இதற்கு தினப்பொருத்தம் இல்லை.

பெண் நட்சத்திரம் முதல் ஆண் நட்சத்திரம் வரை எண்ணும்போது 4,13,22 என்ற எண்ணிக்கையில் வந்தால் அது சேமயோகம் எனப்படும். இதனால் இருவருக்கும் சுகமான வாழ்வு அமையும். எனவே இதற்கு தினப்பொருத்தம் உண்டு.

பெண் நட்சத்திரம் முதல் ஆண் நட்சத்திரம் வரை எண்ணும்போது 5,14,23 என்ற எண்ணிக்கையில் வந்தால் அது பகை யோகம் ஆகும். இதனால் பீடை உண்டாகும். எனவே இதற்கு தினப்பொருத்தம் இல்லை.

பெண் நட்சத்திரம் முதல் ஆண் நட்சத்திரம் வரை எண்ணும்போது 6,15,24 என்ற எண்ணிக்கையில் வந்தால் அது சந்தான பலன் ஆகும். யோகமான பலன்கள் ஏற்படும். எனவே இதற்கு தினப்பொருத்தம் உண்டு.

பெண் நட்சத்திரம் முதல் ஆண் நட்சத்திரம் வரை எண்ணும்போது 7,16,25 என்ற எண்ணிக்கையில் வந்தால் அது வதயோகம் எனப்படும். வத என்றால் நோய் என்று அர்த்தம். எனவே இதற்கு தினப்பொருத்தம் இல்லை.

பெண் நட்சத்திரம் முதல் ஆண் நட்சத்திரம் வரை எண்ணும்போது 8,17,26 என்ற எண்ணிக்கையில் வந்தால் அது மித்ர யோகம் எனப்படும். மேலும் இதனால் இருவரின் வாழ்க்கையிலும் மேன்மையான நிலை நிச்சயம் ஏற்படும். எனவே இதற்கு தினப்பொருத்தம் உண்டு என்று அர்த்தம்.

பெண் நட்சத்திரம் முதல் ஆண் நட்சத்திரம் வரை எண்ணும்போது 9,18,27 என்ற எண்ணிக்கையில் வந்தால் அமிர்த யோகம் என்று அர்த்தம். இதனால் அனைத்து சகலவித சௌபாக்கியம் இருவரின் வாழ்விலும் கிடைக்கும் என அர்த்தம். இதற்கு தினப்பொருத்தம் உண்டு என்று அர்த்தம்.

மற்ற திருமண பொருத்தங்களின் பலன்கள் மற்றும் திருமண சடங்களுக்கான காரணங்கள் அறிய இங்கே க்ளிக் செய்யவும்.

Related Articles

LEAVE A REPLY

Please enter your comment!
Please enter your name here

Latest Articles

உத்திராடம் நட்சத்திரத்தில் பிறந்தவர்களின் குணாதசியங்கள்

உத்திராடம் நட்சத்திரத்தில் பிறந்தவர்களின் குணாதசியங்கள்

உத்திராடம் நட்சத்திரத்தில் பிறந்தவர்களின் குணாதசியங்கள் உத்திராடம் நட்சத்திரத்தின் இராசி : தனுசு மற்றும் மகரம் உத்திராடம் நட்சத்திரத்தின் அதிபதி : சூரியன் உத்திராடம் நட்சத்திரத்தின் முதல் பாதத்தின் இராசி அதிபதி (தனுசு) : குரு உத்திராடம் நட்சத்திரத்தின் 2,...
மாரடைபிலிருந்து தற்காத்து கொள்வது எப்படி

மாரடைப்பு ஏற்பட்டவருக்கு செய்ய வேண்டிய முதலுதவிகள்

மாரடைப்பு இன்றைய காலத்தில் மாரடைப்பு என்பது இளம்வயதினர் முதல் முதியவர்கள் வரை பலருக்கும் ஏற்படுகிறது. இதற்கு காரணம் வேலை மற்றும் குடும்ப சுழல் மற்றும் மாறி வரும் உணவு பழக்க முறையே ஆகும். ஒருவருக்கு...
ஷாக் அடித்தால் என்ன செய்ய வேண்டும்

முதலுதவி பெட்டி யும் அதில் இருக்க வேண்டிய முதலுதவி பொருட்களும்

முதலுதவி பெட்டி முதலுதவி செய்ய மிகவும் முக்கியம் முக்கிய பொருட்கள் நிறைந்த முதல் உதவிப் பெட்டி ஆகும். காயமடைந்தவருக்கு முதன்மையான உதவிகளை செய்வதற்காக சில அத்தியாவசிய மருத்துவப்பொருட்களை கொண்டுள்ள பெட்டியே முதலுதவிப்பெட்டி ஆகும். இது...
மூலம் நட்சத்திரத்தில் பிறந்தவர்களின் குணாதசியங்கள்

மூலம் நட்சத்திரத்தில் பிறந்தவர்களின் குணாதசியங்கள்

மூலம் நட்சத்திரத்தில் பிறந்தவர்களின் குணாதசியங்கள் மூலம் நட்சத்திரத்தின் இராசி : தனுசு மூலம் நட்சத்திரத்தின் அதிபதி : கேது மூலம் நட்சத்திரத்தின் இராசி அதிபதி : குரு மூலம் நட்சத்திரத்தின் நட்சத்திர அதிதேவதை : சிவன் மூலம் நட்சத்திரத்தின் பரிகார...
சதுர்த்தசி திதி

சதுர்த்தசி திதி பலன்கள், சதுர்த்தசி திதியில் செய்ய வேண்டியவை, செய்யகூடாதவை

சதுர்த்தசி திதி சதுர்த்தச என்பதற்கு பதினான்கு என்று அர்த்தம். இது ஒரு வடமொழி சொல்லாகும். அமாவாசை மற்றும் பௌர்ணமி நாளிலிருந்து வரும் 14 வது நாள் சதுர்த்தசி திதியாகும். அமாவாசைக்கு அடுத்து வரும் சதுர்த்தசியை...

ஏலக்காய் தண்ணீர் குடிப்பதினால் உண்டாகும் நன்மைகள்

ஏலக்காய் தண்ணீர் பயன்கள் பல நூற்றாண்டுகளுக்கு முன்னர் நம் முன்னோர்கள் நமக்கு அளித்த ஒரு அறிய மருந்து தான் ஏலக்காய். ஏலக்காய் நம் அனைவரின் வீட்டிலும் இருக்கக் கூடிய ஒரு அறிய மருத்துவ குணம்...
pineapple kesari recipe

பைனாப்பிள்  கேசரி செய்முறை

பைனாப்பிள்  கேசரி செய்முறை  தேவையான பொருட்கள் ரவை – 1 கப் சர்க்கரை – ¾ கப் தண்ணீர் – 2 கப் கேசரி கலர் - சிறிதளவு அன்னாசிபழத் துண்டுகள் – ½...

Follow by Mail

Get all latest content delivered straight to your inbox.