இறால் குழம்பு

தேவையான பொருட்கள்

1. இறால் – ½ கிலோ
2. உருளைக்கிழங்கு –  1 ( பெரியது )
3. முருங்கைக்காய் – 1
4. கொத்தமல்லி – சிறிதளவு
5. மிளகாய் தூள் –  2 ஸ்பூன்
6. மஞ்சள் தூள் – ¼  ஸ்பூன்
7. இஞ்சி பூண்டு விழுது – 1 ஸ்பூன்
8. எண்ணெய் – தேவையான அளவு
9. உப்பு – தேவையான அளவு

அரைக்க

1. தேங்காய் துருவல் – ¼ கப்
2. தக்காளி – 1
3. இஞ்சி – 1 துண்டு
4. பூண்டு – 10 பல்
5. பட்டை – 2
6. சோம்பு – ½ ஸ்பூன்

தாளிக்க

1. கடுகு – ½ ஸ்பூன்
2. சீரகம் – ½ ஸ்பூன்
3. கறிவேப்பிலை – சிறிதளவு

செய்முறை

1. இறாலை சுத்தம் செய்து  உப்பு, மஞ்சள் தூள் சேர்த்து ஊற வைக்கவும்.
2. உருளைக்கிழங்கு மற்றும் முருங்கைக்கையை வெட்டி வைத்துக் கொள்ளவும்.
3. தேங்காய் துருவல், தக்காளி, சோம்பு, பட்டை ஆகியவற்றை மிக்சியில் சேர்த்து நைசாக அரைத்துக் கொள்ளவும்.
4. ஒரு பாத்திரத்தில் எண்ணெய் ஊற்றி சூடானதும் அதில் கடுகு, சீரகம் ஆகியவற்றை போட்டு தாளிக்கவும்.
5. பிறகு நறுக்கி வைத்துள்ள வெங்காயத்தை நன்கு வதக்கவும்.
6. வெங்காயம் வதங்கியவுடன்  இஞ்சி பூண்டு விழுது சேர்த்து வதக்கிக் கொள்ளவும்.
7. பின் அரைத்த தேங்காய் விழுது, மஞ்சள் தூள், மிளகாய் தூள், முருங்கைக்காய்  உருளைக்கிழங்கு சேர்த்து பச்சை வாசம் போகும் வரை வதக்கிக் கொள்ளவும்.
8. பிறகு தேவையான அளவு தண்ணீர் மற்றும் உப்பு சேர்த்து வேக விடவும். வேறு ஒரு பாத்திரத்தில் சிறிதளவு எண்ணெய் ஊற்றி இறாலை சேர்த்து வதக்கவும் (இறாலை வதக்கி சேர்ப்பதால், குழம்பு சுவையாக இருக்கும்).
9. வதக்கிய இறாலை குழம்பில் சேர்த்து கொதிக்கவிடவும். கொதித்தவுடன் கொத்தமல்லித் தழை தூவி இறக்கவும். சுவையான இறால் குழம்பு தயார்.