தந்தூரி சிக்கன் பிரியாணி

தந்தூரி சிக்கன் பிரியாணி

எளிமையான முறையில் வீட்டிலேயே மிகவும் சுவையாக தந்தூரி சிக்கன் பிரியாணி செய்வது எப்படி என்று பார்க்கலாம்.

தேவையான பொருட்கள்

1. சிக்கன் தொடை பகுதி – 4
2. தயிர் – ஒரு கப்
3. இஞ்சி பூண்டு விழுது – 50 கிராம்
4. கொத்தமல்லி – ஒரு கைப்பிடி
5. எலுமிச்சை சாரு – சிரிதளவு
6. மிளகாய்த்தூள் – 1 ஸ்பூன்
7. கரம் மசாலா – 1 ஸ்பூன்
8. மிளகு தூள் – 1 ஸ்பூன்
9. சீரகத்தூள் – 1 ஸ்பூன்
10. கஸ்துரி மேத்தி – ½ ஸ்பூன்
11. உப்பு – தேவையான அளவு

பிரியாணி செய்ய

1. பாஸ்மதி அரிசி – ½ கிலோ
2. வெங்காயம் – 4
3. தக்காளி – 4
4. இஞ்சி பூண்டு விழுது – 2 தேக்கரண்டி
5. பச்சை மிளகாய் – 2
6. மிளகாய் தூள் – 1 ஸ்பூன்
7. கரம் மசாலா – 1 ஸ்பூன்
8.  புதினா – 1 கைப்பிடி
9.  கொத்தமல்லி – ஒரு கைப்பிடி
10. பட்டை – 1 பெரிய துண்டு
11. பிரிஞ்சு இலை – 2
12. இலவங்கம் – 3
13. ஏலக்காய் – 2
14. அண்ணாசிப்பூ – 2

செய்முறை

1. சிக்கனை சுத்தம் செய்து எடுத்துக் கொள்ளவும்.
2. பாஸ்மதி அரிசியை ½ மணி நேரம் ஊற வைத்துக் கொள்ளவும்.
3. ஒரு மிக்சி ஜாரில் தயிர், கொத்தமல்லி , இஞ்சி பூண்டு விழுது, எலுமிச்சை சாரு , மிளகாய் தூள், கரம் மசாலா, மிளகு தூள், சீரக தூள், கஸ்துரி மேத்தி, சிறிதளவு உப்பு சேர்த்து அரைத்து அதில் சிக்கனுடன் நன்கு கலந்து ஊற வைக்கவும்.
4. சிக்கன் 1 மணி நேரம் ஊறிய பின் எண்ணெய் சேர்த்து பொறித்து எடுத்து வைத்துக் கொள்ளவும்.
5. பின்னர் பிரியாணி செய்ய ஒரு அகன்ற பாத்திரத்தை எடுத்துக் கொள்ளவும்.
6. பிரியாணிக்கு தேவையான அளவு எண்ணெய் சேர்த்து கொள்ளவும்.
7. எண்ணெய் சூடானதும் பட்டை, பிரிஞ்சி இலை, இலவங்கம், ஏலக்காய் அன்னாசி பூ சேர்த்து தாளிக்கவும்.
8. தாளித்தவுடன் வெங்காயம் சேர்த்து பொன்னிறமாக வதக்கவும்.
9. வெங்காயம் வதங்கியதும் புதினா, கொத்தமல்லி, பச்சை மிளகாய், தக்காளி சேர்த்து நன்கு வதக்கிக் கொள்ளவும்.
10. பின்னர் இஞ்சி பூண்டு விழுது சேர்த்து வதக்கிக் கொள்ளவும்.
11. மிளகாய் தூள், கரம் மசாலா தேவையான அளவு உப்பு சேர்த்து வதக்கவும்.
12. மசாலா பச்சை வாசனை போனவுடன் பொறித்து வைத்துள்ள சிக்கனை சேர்த்து வதக்கவும்.
13. 1 கப் அரிசிக்கு 1 1/2 கப் தண்ணீர் சேர்த்து கொதிக்க விடவும்.
14. நன்கு கொதித்தவுடன் ஊற வைத்த அரிசியை கலந்து, சிறிதளவு எலுமிச்சை சாறு, கேசரி கலர் சேர்த்து வேக விடவும்.
15. அடுப்பை மிதமான தீயில் வைத்து 10 முதல் 15 நிமிடம் தம்மில் போடவும்.
16. பின்னர் அடுப்பை அனைத்து ½ மணி நேரம் கழித்து பரிமாறினால் சுவையான தந்தூரி சிக்கன் பிரியாணி தயார்.