உடலை உறுதியாக்கும் உளுந்தங்களி

உளுந்தங்களி

உளுந்தங்களி சிறியவர் முதல் பெரியவர் வரை அனைவரும் அவசியம் சாப்பிட வேண்டிய நார்ச்சத்து அதிகம் உள்ள ஒரு சத்தான உணவாகும். இதில் இரும்புச்சத்து, கால்சியம், புரதம், கொழுப்பு, வைட்டமின் B போன்ற சத்துக்கள் நிறைந்துள்ளன. எலும்புகளை வலுவாக்கும். பெண்களுக்கு ஏற்படும் மாதவிடாய் பிரச்சனையை சரி செய்யக் கூடியது. நோய் எதிர்ப்பு சக்த்தியை அதிகரித்து கர்ப்பபையை  வலுவடைய செய்கிறது.

தேவையான பொருட்கள்

1. கருப்பு உளுந்து – 1 கப்
2. பச்சரிசி – 1 கப்
3. கருப்பட்டி – 2 கப்
4. நல்லெண்ணெய் – ¼  கப்
5. சுக்கு பொடி – ¼ ஸ்பூன்
6. ஏலக்காய் பொடி – 1 சிட்டிகை
7. உப்பு – 1 சிட்டிகை
8. தண்ணீர் – 3 கப்

செய்முறை

1. கருப்பு உளுந்தை ஒரு பாத்திரத்தில் சேர்த்து நன்கு கழுவி காயவைத்து எடுத்துக் கொள்ளவும்.
2. உளுந்து காய்ந்தவுடன் அதனை ஒரு அடிகனமாக பத்திரத்தில் சேர்த்து மிதமான தீயில் வறுத்து எடுத்துக் கொள்ளவும்.
3. அதே பாத்திரத்தில் பச்சரசியையும் சேர்த்து வறுத்து எடுத்துக் கொள்ளவும்.
4. உளுந்து மற்றும் பச்சரிசி சூடு ஆறியதும் ஒரு மிக்சி ஜாரில் சேர்த்து நைசாக அரைத்து எடுத்துக் கொள்ளவும்.
5. அடுத்து ஒரு அடி கனமான பாத்திரத்தை அடுப்பில் வைத்து அரைத்து வைத்துள்ள மாவினை சேர்த்துக் கொள்ளவும்.
6. பின்னர் இதில் 1 கப் மாவிற்கு 3 கப் வீதம் தண்ணீர் சேர்த்து நன்கு கட்டிகள் எதுவும் இல்லாமல் கலந்து கொள்ளவும்.
7. மாவு நன்கு வெந்து வந்ததும், அதில் 1 சிட்டிகை உப்பு, கொஞ்சம் ஏலக்காய் பொடி சேர்த்து நன்கு கலந்து விடவும்.
8. பின்னர் இதில் 2 கப் கருப்பட்டியை சேர்த்து நன்கு கலந்து விடவும்.
9. கருப்பட்டி நன்கு கரைந்து அல்வா பதத்திற்கு வந்ததும் அதில் ¼ கப் நல்லெண்ணையை சேர்த்து கிளறி இறக்கினால் சுவையான சத்தான உளுந்தங்களி ரெடி.