விருட்ச பொருத்தம் என்றால் என்ன?
விருட்சம் என்றால் மரம் என்று அர்த்தம். 27 நட்சத்திரங்களும் பால் உள்ள மரம் மற்றும் பாலற்ற மரம் என்று பிரிக்கப்பட்டுள்ளது. இந்தப் பொருத்தம் புத்திர பாக்கியம் அடைய பார்க்கப்படுகிறது. ஆண், மற்றும் பெண் இருவரில் ஒருவருக்கு பால் மரம் இருந்தால் புத்திர பாக்கியம் உண்டு. இது ஒரு முக்கிய பொருத்தம் இல்லை.
இந்த பொருத்தத்தை ‘மர பொருத்தம்’ என்றும் கூறுவார்கள். இந்த விருட்ச பொருத்தம் பார்ப்பதால் ஆண், பெண் இருவருக்கும் குழந்தை செல்வம் எப்படி அமையும் என்பது கணிக்கபடுகிறது.
விருட்ச பொருத்தம் எப்படி பார்ப்பது?
இந்த பொருத்தம் பார்க்க, பெண் நட்சத்திரத்தில் உள்ள மரம் பால் உள்ளதாக அமைந்து, ஆண் நட்சத்திரம் பால் இல்லாத மரமாக அமைந்தால் குழந்தை உண்டு. ஆண் நட்சத்திரம் பால் உள்ள மரமாகவும், பெண் நட்சத்திரம் பால் இல்லாத மரமாகவும் அமைந்தால் பெண் குழந்தை இருக்காது. ஆண், பெண் இருவரின் நட்சத்திரமும் பால் மரமாக இருந்தால் குழந்தை பாக்கியம் உறுதி. பால் மரம் இருவருக்கும் இல்லாவிட்டால், மகேந்திர பொருத்தம் பார்க்கப்படும். மகேந்திர பொருத்தமும் இல்லாவிட்டால் ஆண், பெண் ஜாதகத்தில் ஐந்தாமிடம், ஐந்துக்குரியவர், குரு இவர்களை ஆராயப்படும்.
27 நட்சத்திரத்திற்குரிய விருட்சம்:
அஸ்வினி – எட்டி, பரணி – நெல்லி, கார்த்திகை – அத்தி, ரோகிணி – நாவல், மிருகசீரிடம் – கருங்காலி, திருவாதிரை – செங்கருங்காலி, புனர்பூசம் – மூங்கில், பூசம் – அரசு, ஆயில்யம் – புன்னை, மகம் – ஆலமரம், பூரம் – பலா, உத்திரம் – அலரி, அஸ்தம் – வேலம், சித்திரை – வில்வம், சுவாதி – மருதம், விசாகம் – விளா, அனுஷம் – மகிழம், கேட்டை – பிராய், மூலம் – மாமரம், பூராடம் – வஞ்சி, உத்திராடம் – பலா, திருவோணம் – எருக்கு, அவிட்டம் – வன்னி, சதயம் – கடம்பு, பூரட்டாதி – தேமா, உத்திரட்டாதி – வேம்பு, ரேவதி – இலுப்பை.
பால் உள்ள மரங்கள் மற்றும் நட்சத்திரங்கள் :
கார்த்திகை – அத்தி மரம்
ரோகிணி – நாவல் மரம்
பூசம் – அரசு மரம்
ஆயில்யம் – புன்னை மரம்
மகம் – ஆலமரம்
பூரம் – பலா மரம்
உத்திரம் – அலரி மரம்
அஸ்தம் – வேலம் மரம்
கேட்டை – பிராய் மரம்
மூலம் – மா மரம்
பூராடம் – வஞ்சி மரம்
உத்திராடம் – பலா மரம்
திருவோணம் – எருக்கு மரம்
பூரட்டாதி – தேமா மரம்
ரேவதி – இலுப்பை மரம்
பால் இல்லாத மரங்கள் மற்றும் நட்சத்திரங்கள் :
அஸ்வினி – எட்டி மரம்
பரணி – நெல்லி மரம்
மிருகசீரிடம் – கருங்காலி மரம்
திருவாதிரை – செங்கருங்காலி மரம்
புனர்பூசம் – மூங்கில் மரம்
சித்திரை – வில்வம் மரம்
சுவாதி – மருதம் மரம்
விசாகம் – விளா மரம்
அனுஷம் – மகிழம் மரம்
அவிட்டம் – வன்னி மரம்
சதயம் – கடம்பு மரம்
உத்திரட்டாதி – வேம்பு மரம்
விருட்ச பொருத்தம் இல்லாவிட்டால் செய்ய வேண்டிய பரிகாரம்
ஒருவரின் பிறந்த நட்சத்திரத்திற்கு உரிய மரக்கன்றை வாங்கி ஒரு கோவில் சார்ந்த வனப்பகுதியில் தென்மேற்குப் திசையில் சூரியன் படும் இடத்தில் நடவேண்டும். அந்த மரக்கன்றை ஜாதகரின் பிறந்த நட்சத்திரம் வரும் நாளில் நடுவது சிறப்பு.
மரக்கன்றை நட்டதும் அவரது கையால் நவதானியங்கள் ஊற வைத்த தண்ணீரை அச்செடிக்கு ஊற்றி, தண்ணீரில் ஊறிய நவதானியங்களையும் அந்த மரக்கன்றுக்கு உரமாகப் போட வேண்டும். இதனால் மரக்கன்று வளர வளர நட்டவரின் வாழ்க்கை தரமும் வளரும். இதனால் மரக்கன்றை நட்டவரின் ஜாதகத்தில் இருக்கும் அனைத்து தோஷங்களும் நீங்கும். அந்த மரக்கன்று பூத்து, காய்க்கும்போது அதை நட்டவரின் வாழ்க்கையும் செழிப்பாக இருக்கும்.
மற்ற திருமண பொருத்தங்களின் பலன்கள் மற்றும் திருமண சடங்களுக்கான காரணங்கள் அறிய இங்கே க்ளிக் செய்யவும்.
